Тэма часам замілавана-пяшчотнага, а часам драматычнага суіснавання на нашай планеце людзей і жывёл заўсёды прыцягвала ўвагу пісьменнікаў, у выніку чаго сусветная літаратура падарыла чытачам шмат цудоўных мастацкіх твораў. У зборнік «Ваўчыца з Чортавай Ямы» ўвайшлі найлепшыя беларускія апавяданні пра жывёл, напісаныя ў ХХ стагоддзі. Сярод аўтараў — Янка Маўр, Кузьма Чорны, Іван Чыгрынаў, Уладзімір Караткевіч, Іван Пташнікаў, Барыс Сачанка, Анатоль Кудравец, Георгій Марчук і многія іншыя вядомыя айчынныя празаікі.