Вышэйшую адукацыю атрымаў у Ленінградскім санітарна-гігіенічным медыцынскім інстытуце, які скончыў у 1967 годзе. З 1968 года працаваў навуковым супрацоўнікам у аддзеле прафпаталогіі Беларускага навукова-даследчага скурна-венералагічнага інстытута, дзе ў 1973 годзе абараніў кандыдацкую дысертацыю на тэму «Фізіка-хімічныя паказчыкі скуры і імуналагічныя характарыстыкі хворых алергічнымі дэрматозамі».
У 1975 годзе Сяргей Уладзіміравіч быў выбраны на пасаду асістэнта, а ў 1988 годзе – дацэнта кафедры прафпаталогіі Беларускага інстытута ўдасканалення ўрачоў. У 1986 годзе абараніў доктарскую дысертацыю на тэму «Эпідэміялогія, патагенез, клініка, дыягностыка, лячэнне і прафілактыка лекавай алергіі».
У 1988 годзе С. У. Федаровіча назначаюць галоўным алерголагам Мінздрава; выбіраюць на пасаду дацэнта кафедры прафпаталогіі БелМАПО, у 1989 годзе – загадчыкам кафедры медыцыны і гігіены Беларускага інстытута фізічнай культуры. У 1990 годзе – зацверджаны ў званні прафесара.
Сяргей Уладзіміравіч ставіць пытанне стварэння ў ГУ «ІРНПЦ гігіены» клінічнай лабараторыі прафпаталогіі, і з 1993 года С. У. Федаровіч кіруе клінічным аддзелам прафпаталогіі і алергалогіі ГУ «Рэспубліканскі цэнтр гігіены». У 1996 годзе Сяргею Уладзіміравічу прысвоена ганаровае званне «Заслужаны дзеяч навукі Рэспублікі Беларусь».
С. У. Федаровіч з’яўляецца кіраўніком навукова-даследчых работ, а таксама Грантаў Беларускага рэспубліканскага фонду фундаментальных даследаванняў. Вынікі навукова-даследчых работ укаранёны ў практыку аховы здароўя са значным сацыяльным і эканамічным эфектам. Таксама ён з’яўляецца кансультантам трох Рэспубліканскіх цэнтраў (алергалогіі, прафпаталогіі і дэрмата-венералогіі) і кансультантам Рэспубліканскай станцыі санітарнай авіяцыі. На працягу амаль 50-ці гадоў аказвае пастаянную лячэбную, кансультатыўную і арганізацыйна-метадычную дапамогу хворым па ўсёй краіне.
Сяргей Уладзіміравіч з’яўляецца кіраўніком Рэспубліканскага цэнтра пабочнага дзеяння лекаў, Старшынёй Рэспубліканскага навуковага таварыства імунолагаў. С. У. Федаровіч выбраны ў склад праўлення навуковага таварыства алерголагаў і імунолагаў краін СНД, уваходзіць у склад Прэзідыума Міжнароднага таварыства алерголагаў і імунолагаў, з’яўляецца старшынёй секцыі па гігіене працы і прафпаталогіі праблемнай Камісіі Мінздрава Рэспублікі Беларусь, членам Вучонага савета РНПЦ гігіены і спецыялізаваных саветаў БДМУ і ГУ «ІРНПЦ гігіены» па абароне кандыдацкіх і доктарскіх дысертацый. Сяргей Уладзіміравіч – член рэдакцыйнай калегіі часопісаў «Экалогія і здароўе», «Імуналогія».
Пад кіраўніцтвам С. У. Федаровіча ў краіне распрацавана і ўкаранёна тэхналогія спелеалячэння, якая не мае аналагаў у свеце. У Салігорску, на ПА «Беларуськалій», створана падземная рэспубліканская бальніца. 95% хворых, якія прайшлі лячэнне, адчуваюць сябе пасля «падземкі» вылечанымі. У ходзе даследаванняў раслінных алергенаў, праведзеных клінічным аддзелам прафпаталогіі і алергалогіі РНПЦ распрацаваны і ўкаранёны метад спецыфічнай імунатэрапіі. Айчынная імунаферментная тэст-сістэма замяніла імпартную, пасля якой дыягностыка туберкулёзу стала танней у 8 разоў.
Дзякуючы новым тэхналогіям на Мінскім трактарным заводзе зменшылася прафзахворвальнасць. Упершыню даследавана прафесійная алергія на Аршанскім ільнокамбінаце; прапанаваны і прыменены арыгінальныя прэпараты. Шматпланавыя навуковыя распрацоўкі дазволілі знізіць захворвальнасць на Мазырскім нафтаперапрацоўчым, полацкім заводзе «Шкловалакно», Магілёўскім ПА «Хімвалакно», Гродзенскім ПА «Азот». Прапанаваны і ўкаранёны ахоўны крэм Фёдаровіча для прафілактыкі алергіі.
Пад кіраўніцтвам С. У. Федаровіча падрыхтаваны 22 кандыдаты і адзін доктар медыцынскіх навук.
С. У. Федаровіч – лаўрэат Дзяржаўнай прэміі Рэспублікі Беларусь і двойчы прэміі НАН Беларусі, узнагароджаны дыпломам «Лепшы вынаходнік Мінскай вобласці», Дыпломам і медалём ІІІ Міжнароднай выстаўкі-кірмашу новых тэхналогій, абсталявання, спосабаў лячэння «Свет вынаходстваў і арыгінальных ідэй» у г. Сочы (2003).
Прафесар С. У. Фёдаравіч з’яўляецца аўтарам больш за 500 навуковых работ, у тым ліку 34 манаграфій, 28 метадычных рэкамендацый, 6 інструкцый, болей 100 вынаходстваў і рацпрапаноў. Землякі выбралі Сяргея Уладзіміравіча Ганаровым грамадзянінам Пінскага раёна.
Матэрыял падрыхтаваны ў 2014 г. Пінскай цэнтральнай раённай бібліятэкай імя Я. Янішчыц. Станкевіч Клаўдзія Аляксандраўна, бібліёграф аддзела абслугоўвання і інфармацыі
Працы С. У. Федаровіча
1. Скепьян, Н. А. Аллергические болезни / Н. А. Скепьян, С. В. Федорович // Справочник участкового терапевта / под ред. Г. П. Матвейкова. Мінск : Беларусь, 1986. С. 238–250.
2. Федорович, С. В. Лекарственная аллергия в клинической практике / С. В. Федорович. Минск, 1991. 72 c.
3. Судебно-медицинские аспекты лекарственной аллергии / С. В. Федорович. Минск : Полымя, 1992. 102 c.
4. Лекарственная аллергия в клинической практике / С. В. Федорович. Минск : Полымя, 1993. 63 с.
5. Допинги и аллергия / С. В. Федорович. Минск : Белорус. изд-во «Хата», 1994. 79 с.
6. Лекарственная аллергия у медицинских работников и рабочих заводов медпрепаратов / С. В. Федорович. Минск : Белорус. изд-во «Хата», 1994. 135 с.
7. Повышенная радиация и физическая культура / [В. А. Соколов, А. Г. Фурманов, С. В. Федорович и др. ; предисл. Е. Ф. Конопли]. Б. м., 1997. 254 с.
8. Аллергические дерматозы / С. В. Федорович. Минск, 1997. 86 с.
9. Профессиональные болезни кожи / С. В. Федорович. Минск : Полымя, 1997. 211 с.
10. Профессиональные аллергозы / Бел. науч.-исслед. санитар.-гигиен. ин-т, Лаб. клин. профподгот. БелНИСГИ ; [С. В. Федорович, В. П. Филонов, С. М. Соколов]. Барановичи : Укрупн. тип., 1998. 98 с.
11. Экологическая аллергология и иммунология / С. В. Федорович. Минск : Типография МТЗ, 2003. 85 с.
12. Профессиональный бронхит / С. В. Федорович. Барановичи : РУПП «Баранов. укрупн. тип.», 2003. 257 с.
13. Пищевая аллергия / С. В. Федорович, В. А. Жарин. Минск : Харвест, 2007. 350 c.
14. Труд и здоровье медицинских работников / С. В. Федорович [и др.] ; Министерство здравоохранения Республики Беларусь [и др.]. Минск : Кнігазбор, 2010. 131 с.
Аб жыцці і дзейнасці С. У. Федаровіча
1. Федорович Сергей Владимирович // Республика Беларусь : энциклопедия : в 6 т. Минск, 2008. Т. 7. С. 354.
2. Федорович Сергей Владимирович // Учёные Пинщины : [справ. издание] / авт.-сост. И. А. Кибак, П. Н. Синкевич, В. В. Василевицкий. Пинск : Пин. регион. тип., 2012. С. 123–124.
3. Федорович Сергей Владимирович // Кто есть Кто в Республике Беларусь. 2004 / под ред. И. В. Чекалова. Минск : Энциклопедикс, 2004. С. 285–286.
4. Федаровіч Сяргей Уладзіміравіч // Беларуская энцыклапедыя : у 18 т. Мінск, 2003. Т. 16. С. 342.
5. Федаровіч Сяргей Уладзіміравіч// Памяць : гіст.-дакум. хроніка Пінскага раёна. Мінск, 2003. С. 485.
6. О присуждении Государственных премий Республики Беларусь 2002 года : Указ Президента Республики Беларусь от 23 апреля 2003 г. № 170 // Зарег. в Нац. реестре правовых актов Республики Беларусь, 2003 г. № 50. 1/4562.
7. О присвоении С. В. Федоровичу почетного звания «Заслуженный деятель науки Республики Беларусь» : Указ Президента Республики Беларусь от 16 декабря 1996 г. № 552 // Собрание декретов, указов Президента и постановлений Правительства Республики Беларусь, 1996 г. № 35. ст. 940.
8. Николаева, В. Быть добру! : [Почетный гражданин Пинского района С. В. Федорович] / Вероника Николаева // Полесская правда (Пинск). 2010. 25 сент.
9. Екель, Л. Защита Федоровича : В небольшой деревеньке под Пинском родился известный ученый в области иммунологии / Леонид Екель // Вечерний Брест. 2010. 13 авг. С. 4.
10. Яковлева, Л. Ф. К 70-летию доктора медицинских наук, профессора Федоровича Сергея Владимировича / Л. Ф. Яковлева, Р. Н. Пилькевич, И. В. Кистень // Изобретатель. 2009. № 10. С. 17–20.
11. Шестакова, Н. С заботой о земляках : [в Днях науки Пинщины принял участие доктор медицинских наук, профессор С. В. Федорович] / Наталья Шестакова // Полесская правда (Пинск). 2006. 20 мая.
12. Кирковец, Н. А за плечами всего… 65! : [заслуженный деятель науки Республики Беларусь, земляк С. В. Федорович] / Наталья Кирковец // Пінскі веснік. 2004. 21 мая.
13. О присвоении звания «Почетный гражданин Пинского района» Федоровичу Сергею Владимировичу : Решение Пинского районного Совета депутатов № 02-06 от 17.06.2003 г. // Полесская правда (Пинск). 2003. 25 июня.
14. Шестакова, Н. Наш земляк – лауреат Государственной премии [С. В. Федорович, доктор медицинских наук] / Наталья Шестакова // Полесская правда (Пинск). 2003. 24 мая.
15. Шестакова, Н. Подарок коллегам. Недавно в очередной раз на родной Пинщине побывал доктор медицинских наук, профессор С. В. Федорович / Наталья Шестакова // Полесская правда (Пинск). 2002. 15 июня.
16. Шапиро, С. Покой только снится : [60-летие ученого-медика С. В. Федоровича] / Семен Шапиро // Полесская правда (Пинск). 1999. 16 июня.
17. Солнечный человек: [Сергей Владимирович Федорович] //http://gthice.clan.su/news/solnechnyj_chelovek/2014-01-17-154.
18. Федорович Сергей Владимирович // http://doktora.by/otzyvy/allergolog-v-minske-fedorovich-sergey-vladimirovich. Заведующий клиническим отделом профпатологии – Федорович Сергей Владимирович, доктор биологических наук, доктор медицинских наук, профессор. – Режим доступа: // http://minzdrav.gov.by/export/content /RUSSIAN/RNPC /GIGIENA/gig_r.htm.