Фільтраваць
Імёны
Падзеі
Помнікі
Рэгіён
Прадметы
Установы
Спадчына: Школы

Дзяржаўная ўстанова адукацыі «Сярэдняя школа № 1 г. Кобрына» размешчана па вул. Савецкай, 94. Будынак школы прыцягвае ўвагу сваёй прыгажосцю і велічнасцю, з’яўляецца гісторыка-культурнай каштоўнасцю Рэспублікі Беларусь. Гісторыя будынка каранямі сыходзіць да канца XIХ ст., першапачаткова збудаваны як аднапавярховы, належыў Міністэрству фінансаў. У тыя часы тут быў адзін з карпусоў былога вытворчага комплексу манапольнага віннага склада.

На базе музычнай студыі, якая існавала пры Жабінкаўскім раённым Доме культуры, 15 жніўня 1967 года была створана дзіцячая музычная школа. Першым дырэктарам стаў В. М. Чырко. Будынак, які быў выдзелены пад школу, знаходзіўся ў пасёлку цукровага завода. 1 верасня школа прыняла сваіх першых 70 навучэнцаў.

Дзіцячая мастацкая школа горада Брэста была адкрыта ў верасні 1976 года па ініцыятыве мастака Аляксандра Аляксандравіча Алонцава (1941–2013), які і стаў яе першым дырэктарам і выкладчыкам. У тым, што такая школа з’явілася, заслуга таксама тагачаснага начальніка аддзела культуры Брэсцкага гарвыканкама Паўла Андрэевіча Жмайліка (1931–2007). Гэта была першая ў Беларусі дзіцячая мастацкая школа, у сярэдзіне 1980-х у рэспубліцы было ўжо 20 падобных школ.

Праз два месяцы пасля далучэння Заходняй Беларусі да БССР бюро Брэсцкага абкама КП(б)Б 14 снежня 1939 года зацвярдзіла мерапрыемствы па арганізацыі Грамадскай асветы. Згодна з імі, усе школы сталі дзяржаўнымі з адзінымі вучэбнымі планамі. Некаторыя з іх былі рэарганізаваны ў сярэднія, няпоўныя сярэднія і пачатковыя.

Гісторыя Брэсцкай дзіцячай музычнай школы № 1 пачалася ў 1939 годзе. Яе першы прыём склаў 75 чалавек, якія займаліся на дзвюх спецыяльнасцях: фартэпіяна і мандаліна.

Дзіцячая музычная школа ў г. Высокае Камянецкага раёна Брэсцкай вобласці распачала сваю дзейнасць у 1978 годзе. Размясцілася па вуліцы Кірава ў двухпавярховым будынку, якi пабудаваны ў пачатку XXстагоддзя (раней тут у розны час размяшчалiся ваенкамат, інтэрнат, прыватныя кватэры).