Фільтраваць
Імёны
Падзеі
Помнікі
Рэгіён
Спадчына: юбілеі

Рыгор Мацвеевіч Лінькоў нарадзіўся 4 лютага 1899 г. у сяле Васільеўка Арэнбургскай губерні (цяпер Акцябрскага раёна Арэнбургскай вобласці) у сялянскай сям’і. У Чырвонай арміі з 1918 г., удзельнік Грамадзянскай вайны, ваяваў у частках В. К. Блюхера і партызанскіх атрадах, у 1919 г. звольнены з арміі. Быў на партыйнай і гаспадарчай рабоце. З 1924 г. вучыўся ў Арэнбургскай савпартшколе, у 1931 г. скончыў рабфак, у 1933 г. — Камуністычны ўніверсітэт.

Аляксандр Мікалаевіч Карлюкевіч нарадзіўся 6 студзеня 1964 г. у вёсцы Зацітава Слабада Пухавіцкага раёна Мінскай вобласці. Бацька працаваў у калгасе, маці была настаўніцай малодшых класаў. Пачатковую школу скончыў у вёсцы, а сярэднюю — у Пухавічах. Любіў урокі беларускай літаратуры і гісторыі, зацікавіўся краязнаўчай дзейнасцю, пачаў пісаць у газеты.

Яўгенія Эдуардаўна Лінёва (Папрыц) нарадзілася 9 студзеня 1854 г. у г. Брэст-Літоўску (цяпер Брэст). Бацька, Эдуард Густававіч Папрыц (1816–1870), служыў выкладчыкам Аляксандраўскага Брэсцкага кадэцкага корпуса. Маці, Ганна Канстанцінаўна (Воган), была таленавітай спявачкай, гарачай аматаркай музыкі, у юнацтве вучылася ў Варшаве ў вялікага рускага кампазітара М. І. Глінкі. Усё, што ўмела і чым валодала, у сэнсе талентаў і навыкаў, Ганна Канстанцінаўна перадала дачцы.

Лукаш Апанасавіч Бэндэ нарадзіўся 1 лістапада 1903 г. у вёсцы Шчакоцк Кобрынскага павета Гродзенскай губерні (цяпер Іванаўскага раёна Брэсцкай вобласці) у сялянскай сям’і. У гады Грамадзянскай вайны служыў кавалерыстам у Чырвонай арміі на Урале і ў Сібіры. У Чалябінску быў прыняты ў рады партыі. У 1922 г. пераведзены на працу ў Беларусь, дзе летам 1923 г. прымаў удзел у «ліквідацыі бандытызму» на Барысаўшчыне, быў паранены.

Канстанцін Фролавіч Лазаненка нарадзіўся 4 снежня 1923 г. у вёсцы Сцяпанава Духаўшчынскага раёна Смаленскай вобласці. У 1930 г. сям’я пераехала ў г. Ярцава Смаленскай вобласці, бацькі працавалі на прадзільна-ткацкай фабрыцы. У 1940 г. скончыў 8 класаў СШ № 6 г. Ярцава. Працаваў токарам на механічным заводзе.

Іван Пятровіч Барсукоў нарадзіўся 22 студзеня 1948 г. у сяле Казгулак Туркменскага раёна Стаўрапольскага края РСФСР у сялянскай сям’і. Бацька Пётр Кірылавіч ваяваў на франтах Вялікай Айчыннай вайны, працаваў у калгасе, выхоўваў у сыне патрыятызм, справядлівасць, адвагу, настойлівасць, любоў да працы. Іван Барсукоў закончыў Казгулакскую сярэднюю школу, працаваў у калгасе.

На базе музычнай студыі, якая існавала пры Жабінкаўскім раённым Доме культуры, 15 жніўня 1967 года была створана дзіцячая музычная школа. Першым дырэктарам стаў В. М. Чырко. Будынак, які быў выдзелены пад школу, знаходзіўся ў пасёлку цукровага завода. 1 верасня школа прыняла сваіх першых 70 навучэнцаў.

Алег Уладзіміравіч Самойлаў нарадзіўся 12 снежня 1967 года ў пасёлку Снежнагорск Нарыльскага гарсавета Краснаярскага краю. Маці, Марыя Мацвееўна, родам з вёскі Гасцілавічы Ляхавіцкага раёна Брэсцкай вобласці, пасля заканчэння школы працавала ў Баранавічах, па вечарах вучылася ў тэхнікуме. Пазнаёмілася з салдатам Уладзімірам Самойлавым, родам з-пад Уфы, пасля яго дэмабілізацыі яны перапісваліся, праз год пажаніліся. У 1966 годзе паехалі працаваць на будоўлю Усць-Хантайскай ГЭС, жылі ў Снежнагорску.

Аляксей Данілавіч Дзмітрук нарадзіўся 24 красавіка 1907 года ў вёсцы Сцяброва Кобрынскага павета Гродзенскай губерні (цяпер Жабінкаўскага раёна Брэсцкай вобласці) у сялянскай сям’і. З дзяцінства дапамагаў бацькам у полі і па гаспадарцы.

Ніла Мікалаеўна Гарчанюк нарадзілася 8 лютага 1967 года ў г. Брэсце. Яе бацька закончыў Брэсцкі інжынерна-будаўнічы інстытут. Ніла Гарчанюк вучылася ў СШ № 20 г. Брэста. Закончыла дзіцячую мастацкую школу, дзе вядучым педагогам яе класа была жывапісец Тамара Уладзіміраўна Дзянісава. Затым — Кобрынскае ПТВ-105 народных мастацкіх промыслаў.