20 верасня ў Бярозаўскай дзіцячай бібліятэцы адбылося чарговае паседжанне клуба “Ступені” з літаратурна-творчай гадзінай “Пакінула нам запавет быць адданымі”, прысвечаннай 75-годдзю з дня нараджэння Ніны Іосіфаўны Мацяш і  Году малой радзімы.

19 верасня ў Малецкай сельскай бібліятэцы для вучняў 10 класа ладзілася літаратурна-паэтычная вечарына “Гаючае слова паэзіі”, прысвечаная 75-годдзю з дня нараджэння паэтэсы і перакладчыцы Ніны Мацяш. 

13 верасня ў чытальнай зале Бярозаўскай цэнтральнай раённай бібліятэкі для навучэнцаў УА “Бярозаўскі дзяржаўны прафесіны ліцэй будаўнікоў” адбылася краязнаўчая экскурсія “Край мой там, дзе Ясельда льецца”, якая была прысвечана Дню бібліятэк і Году малой Радзімы.

У гэтыя восеньскія дні творчая грамадскасць Берасцейшчыны адзначае 75-ю гадавіну з дня нараджэння нашай вядомай зямлячкі, паэткі, пісьменніцы і перакладчыцы Ніны Мацяш. Ніна Язэпаўна Мацяш — аўтар зборнікаў вершаў «Агонь» (1970), «Удзячнасць» (1973), «Ралля суровая» (1976), «Прыручэнне вясны» (1979), «Поўны келіх» (1982), «Жнівень» (1985), «Шчаслівай долю назаві…» (1990), «Паміж усмешкай і слязой» (1993), «Я вас люблю» (1998), «Богава дрэва» (2004) i iнш. Яе паэзія перакладзена на рускую, англійскую, французскую, польскую, украінскую і іншыя мовы. Ніна Язэпаўна з’яўляецца аўтарам казак для дзяцей, п’ес для тэатра лялек. Яна была вядома як крытык і літаратуразнавец. Займалася мастацкімі перакладамі з французскай, нямецкай, польскай, украінскай моў. Заслужаны дзеяч мастацтваў Рэспублікі Беларусь (1994), лаўрэат Літаратурнай прэміі імя Аркадзя Куляшова, ганаровага звання «Берасцейская зорка – 1998» у намінацыі «Літаратура», Літаратурнай прэміі Брэсцкага аблвыканкама імя Уладзіміра Калесніка (2009), Міжнароднай літаратурнай прэміі імя Рыгора Скаварады, прэміі Усебеларускага фестывалю моладзі, прысвечанага 50-годдзю ЛКСМБ (1970), ганаровы грамадзянін горада Белаазёрска (1988). Узнагароджана медалём «За доблестный труд». 

«…Усё на свеце выпадкова, апроч зямлі, 

дзе гукі найзванчэйшай мовы

праз сэрца прараслі.

Усё на свеце выпадкова, апроч 

дарогі той, што стала сэрцам і асновай,

і сутнасцю маёй…»

Васіль  Сахарчук