7 ліпеня 2013 года ў бібліятэцы пасёлка Ленінскі Жабінкаўскага раёна быў праведзены вечар партрэтаў, прысвечаны 45-годдзю з дня заснавання пасёлка. Гасцямі мерапрыемства сталі Прасмыцкі Мікалай Аляксандравіч – першы старшыня калгаса “Рагазнянскі”, сын Мікалая Аляксандравіча Прасмыцкага – Аляксандр Мікалаевіч, Святлана Пятроўна Раманюк – мясцовая паэтэса, галоўны рэдактар серыйнага ілюстраванага выдання “МЫ и ХХІ век” Мікола Панасюк, супрацоўнік газеты “Сельская праўда” Анатоль Бензярук.

У чэрвені ў гарадской дзіцячай бібліятэцы імя Якуба Коласа Пінскай гарадской цэнтралізаванай бібліятэчнай сістэмы стартаваў творчы конкурс малюнкаў “Шагая по родному краю”.

У Івацэвіцкай ЦРБ імя П. Пестрака прайшоў раённы семінар “Бібліятэкі і гісторыка-культурная спадчына раёна”.

29 чэрвеня філіялам № 2 Пінскай гарадской цэнтралізаванай бібліятэчнай сістэмы было праведзена падарожжа па родным краі “На неабсяжных прасторах”, прысвечанае расліннаму і жывёльнаму свету Беларусі і Палескага краю.

У бібліятэцы аграгарадка Люсіна (Ганцавіцкая ЦБС), у рамках клуба “Юны краязнаўца” прайшло краязнаўчае падарожжа “Раскажы, бабуля, пра мінулае”. Збор матэрыялу пра мінуўшчыну вёскі для клуба справа важная. Асабліва, калі расказвае пра гэта старэйшая жыхарка вёскі.