У аддзеле краязнаўчай літаратуры і бібліяграфіі адкрылася кніжная выстава пад назвай «„Ёсць у мяне зямля, край светлых мрояў…“: 220 гадоў з дня нараджэння паэта Адама Міцкевіча (1798–1855)»

28 лістапада ў Ганцавіцкай цэнтральнай раённай бібліятэцы прайшла гадзіна памяці “Сіла зямлі пакідае мой сад…”, прысвечаная жыццю і творчай дзейнасці беларускага паэта Алеся Каско. У зале сабраліся літаратары, землякі пісьменніка, сябры, якія дзяліліся ўспамінамі пра Алеся Канстанцінавіча, чыталі яго вершы. Да вечарыны была арганізавана выставачная экспазіцыя, на якой прадстаўляліся фотаздымкі з архіва паэта, рукапісы і вершаваныя зборнікі Алеся Каско.

Пад крыламі аблокаў
                                                                        Сінявокі мой край.
                                                                        Азірніся навокал –
                                                                         Гэты кут, нібы рай!
                                                                                                                     М.Кобец

25 кастрычніка 2018 г. Брэсцкая абласная бібліятэка імя М. Горкага сумесна з Інстытутам гісторыі НАН Беларусі зладзілі Міжнародны круглы стол да 130-годдзя Л. Дзекуця-Малея і 1000-годдзя г. Брэста «Лукаш Дзекуць-Малей (1888–1955): святар, настаўнік, перакладчык». Прапаведнік, рэлігійны дзеяч, перакладчык, выдавец — ён зрабіў значны ўнёсак у культурна-гістарычную спадчыну Беларусі і Берасцейшчыны.

9 кастрычніка 2018 г. у актавай зале Брэсцкай абласной бібліятэкі імя М. Горкага адбылася творчая сустрэча з беларускай пісьменніцай, паэтам, празаікам, драматургам, публіцыстам, перакладчыкам, сябрам Саюза пісьменнікаў Беларусі, лаўрэатам шматлікіх літаратурных прэмій і ўзнагарод, у т. л. Нацыянальнай літаратурнай прэміі за 2017 г. у галіне публіцыстыкі, Зінаідай Іосіфаўнай Дудзюк.