Пэўныя набыткі былі атрыманы ў Драгічынскім раёне ў 12-й пяцігодцы (1986–1990). У 1986 г. раён выходзіў пераможцам у рэспубліканскім сацыялістычным спаборніцтве за лепшыя вынікі вытворча-эканамічнай дзейнасці ў выкананні заданняў Харчовай праграмы СССР. За дасягненне найвышэйшых вынікаў ва Усесаюзным сацыялістычным спаборніцтве, за паспяховае правядзенне зімоўкі жывёлы, павелічэнне вытворчасці і закупак прадуктаў жывёлагадоўлі ў зімовы перыяд 1987–1988 гг. раён быў узнагароджаны Ганаровай граматай ЦК КПСС, Савета Miністраў СССР, ВЦСПС і ЦК ВЛКСМ.