У г. Брэст-Літоўску Гродзенскай губерні, які быў цэнтрам артадаксальнага іўдаізма, у 1851–1861 гг. пабудавалі вялікую харальную сінагогу. Прыгожы двухпавярховы васьмівугольны будынак нагадваў Вялікую сінагогу ў Вене. Сцены ўпрыгожвалі барэльефы мужчын і жанчын, апранутых у стылі артадаксальных венскіх яўрэяў. У вестыбюлі была ўмацавана памятная дошка: «Эта Синагога была построена по планам и под наблюдением царя Николая I».

Культурнае развіццё горада Брэста ў 1960-я гады было накіравана на ўмацаванне і ўдасканаленне ўсіх форм культурна-масавай работы. У сярэдзіне 1960-х гадоў у гораде працавалі ўжо шэсць кінатэатраў, у тым ліку нядаўна пабудаваны «Маяк».