Валерый Іванавіч Мікалаеў нарадзіўся 9 кастрычніка 1946 г. у г. Магілёве. У 1967 г. скончыў Магілёўскае культасветвучылішча. Быў вельмі здольным студэнтам у выкладчыка па акцёрскім майстэрстве і мастацкім чытанні В. І. Ермаловіча. За чатыры гады вучобы яны выпусцілі тры спектаклі, галоўныя ролі ў якіх сыграў Валерый Мікалаеў. Там жа, у вучылішчы, ён сустрэў дзяўчыну, якая стала яго жонкай, у маладых нарадзіўся сын Роберт.