Пасля ўз’яднання Заходняй Беларусі з БССР 4 снежня 1939 г. былі ўтвораны Баранавіцкая, Брэсцкая, Пінская і інш. вобласці. Ружанскі раён з цэнтрам у г. п. Ружаны ўтвораны 15 студзеня 1940 г. У канцы студзеня пачаў працаваць Ружанскі райкам КП(б)Б. Сакратарамі райкама партыі былі абраны М. Ц. Падаляк, Н. Д. Белікаў, В. В. Хількевіч. Старшынёй Ружанскага райвыканкама стаў Аляксей Васільевіч Каралёў. Разгарнуў актыўную работу сярод моладзі райкам ЛКСМБ на чале з першым сакратаром А. М. Доўбняй.