11 сакавіка 2016 г. у Камянецкай РБС адбылася творчая вечарына маладой пісьменніцы, ураджэнкі г. Камянец Наталлі Кухліч «Сказочный мир Натальи Кухлич».

Н. Кухлич скончыла факультэт нямецкай мовы МДЛУ, працавала выкладчыкам у Высокаўскім сельскагаспадарчым каледжы і Брэсцкім тэхнічным універсітэце. Зараз з’яўляецца супрацоўнікам цэнтра трансферу тэхналогій БрДТУ.

Пісьменніца распавяла пра сябе, пра гісторыю напісання асобных твораў, прачытала некалькі казак для ўдзельнікаў мерапрыемства, дзяцей 3-х класаў СШ № 1. Напрыканцы сустрэчы аўтарка падарыла бібліятэцы калектыўны зборнік прозы і паэзіі «ЛітАўра», у якім надрукаваны дзве яе казкі.