Асабліва каштоўнымі для любой бібліятэкі з’яўляюцца выданні з аўтографамі пісьменнікаў. Гэтыя кнігі ўнікальныя, адзіныя ў сваім родзе. Нехта з аўтараў піша свае пажаданні чытачам і супрацоўнікам бібліятэкі, нехта выказвае сваю ўдзячнасць. У розныя гады Брэсцкую абласную бібліятэку наведвалі шматлікія выбітныя людзі. Частка кніг, прадстаўленых на выставе, падорана бібліятэцы самімі аўтарамі, на некаторых з выданняў аўтары пакідалі свае подпісы падчас экспанавання кніжных выстаў на разнастайных мерапрыемствах.

У сектары краязнаўства Брэсцкай абласной бібліятэкі імя М. Горкага распачала дзейнасць кніжная выстава «Вялікая Айчынная вайна ў творчасці пісьменнікаў Берасцейшчыны», прымеркаваная да 80-годдзя Вялікай Перамогі.

5 красавіка 2025 г. у Брэсцкай абласной бібліятэцы імя М. Горкага адбылася творчая сустрэча з беларускай пісьменніцай, паэтам, празаікам, драматургам, публіцыстам, перакладчыкам, сябрам Саюза пісьменнікаў Беларусі Зінаідай Іосіфаўнай Дудзюк.

19 сакавіка 2025 г. паэту, празаіку, журналісту Івану Кірэйчыку (1935–1996) споўнілася б 90 гадоў. З гэтай нагоды Ганцавіцкая цэнтральная раённая бібліятэка імя В.Ф. Праскурава арганізавала чытацкую канферэнцыю «Аддаць бы людзям сябе без рэшты…».

З нагоды юбілею таленавітай пісьменніцы і ганаровай чытачкі Брэсцкай абласной бібліятэкі імя М. Горкага Зінаіды Дудзюк у сектары краязнаўства распачала працу кніжная выстава «З маленства сілу слова знаю».