Фільтраваць
Рэгіён
Навіны: Абласная бібліятэка

Сардэчна віншуем нашу супрацоўніцу, галоўнага бібліёграфа аддзела краязнаўчай літаратуры і бібліяграфіі, Ірыну Дашыну з атрыманнем стыпендыі імя Магдалены Радзівіл. Жадаем ёй далейшых творчых і асабістых поспехаў!!!

У аддзеле краязнаўчай літаратуры і бібліяграфіі дзейнічае кніжная выстава «Брэсцкі мір. 100 гадоў з часу падпісання», прысвечаная 100-годдзю падпісання Брэсцкага міра 3 сакавіка 1918 года. 

12 сакавіка 2018 г. у аддзеле краязнаўчай літаратуры і бібліяграфіі адбылася прэзентацыя кнігі «Гарады і раёны Берасцейшчыны: гісторыя і сучаснасць. Іванаўскі раён»

У аддзеле краязнаўчай літаратуры і бібліяграфіі Бібліятэкі пачала работу кніжная выстава «Ішоў наперадзе свайго часу…», прысвечаная 260-годдзю з дня нараджэння Юльяна Урсын Нямцэвіча (1758–1841), пісьменніка, гісторыка, публіцыста, палітычнага дзеяча Рэчы Паспалітай.

Ва ўступным слове да кнігі «Нашчадкам слова застанецца» (Брэст, 2001) вядомы берасцейскі журналіст Георгій Тамашэвіч гаворыць: «Журналісты пішуць практычна пра ўсё і аб усіх. І менш усяго — пра сябе, пра сяброў газетчыкаў, пра газетную справу. Нельга сказаць, што журналістыка — закрытая тэма. Яна на вачах ва ўсіх, „жыцця разведчыкі“ робяць сваю пастаянную справу, — „пішуць гісторыю сучаснасці“. Але, што датычыць сябе, патрэбна вельмі сур’ёзная падстава…». У пачатку 2018 года падстава, каб пазнаёміць чытачоў з творчасцю брэсцкіх журналістаў, вельмі сур’ёзная і значная.

Аддзел краязнаўчай літаратуры і бібліяграфіі Брэсцкай абласной бiблiятэкi запрашае наведвальнікаў да прыемнага чытання. Выйшаў у свет першы міжнародны рэгіянальны нумар часопіса «Маладосць».

17 кастрычніка ў 16.00 у аддзеле краязнаўчай літаратуры і бібліяграфіі (3 паверх) адбудзецца прэзентацыя новай кнігі перакладаў Ніны Мацяш “Гарнуся душою да слова” (Мінск:Выдавецкі дом “Звязда”, 2013) і літаратурнага альманаха “Жырандоля” №5 (Брэст: ААТ “Брэсцкая друкарня”, 2013).

16 лютага 2013 г. споўнілася 255 год з дня нараджэння Юльяна Урсын Нямцэвіча.

Вечар-партрэт, прысвечаны гэтай святочнай падзеі, адбыўся на радзіме пісьменніка ў в. Скокі Брэсцкага раёна. У музеі-сядзібе Ю. У. Нямцэвіча сабралася зацікаўленая грамадскасць Брэсцкага раёна і г. Брэста. Сярод запрошаных гасцей быў А. А. Гладышчук – найлепшы на Беларусі знаўца гісторыі роду Нямцэвічаў, аўтар адзінай кнігі аб Нямцэвічах на беларускай мове “ Нямцэвічы. Сапраўдныя гісторыі.” (Мн., 2009).

У аддзеле краязнаўчай літаратуры і бібліяграфіі адкрылася кніжная выстава “Міхаіл Пташук – на “Беларусьфільме” назаўсёды…”, прысвечаная 70- гадоваму юбілею вядомага  беларускага кінарэжысёра, заслужанага дзеяча мастацтва Беларусі,  народнага артыста Беларусі, лаўрэата прэміі Ленінскага камсамола Беларусі, лаўрэата Дзяржаўнай прэміі Рэспублікі Беларусь і прызёра міжнародных кінафестываляў  Міхаіла Пташука.
2 кастрычніка ў 17 гадзiн у лекцыйнай зале Бiблiятэкi адбудзецца літаратурная сустрэча з беларускiмi пiсьменнiкамi. Вядомы і ўсімі любімы паэт Леанід Дранько-Майсюк прадставiць сваю новую кнігу паэзіі, прозы, перакладаў і драматургіі “Кнiга для спадарынi  Эл”.
Старонка 4 з 5