Галоўны напрамак творчасці З. М. Леўчанка — архітэктура жылых і грамадскіх будынкаў. Аўтар праектаў размяшчэння жылога і культурна-бытавога будаўніцтва ў Брэсцкай вобласці (1959–1965). Паводле праектаў Зінаіды Мікалаеўны пабудавана мноства дамоў у жылых раёнах г. Брэста. З’яўляецца аўтарам дэталёвай планіроўкі жылога раёна Паўднёвы г. Брэста (1962).

Асноўныя работы ў Брэсце: жылы дом на пл. Леніна (1959), кафэ «Маладзёжнае» па вул. Савецкай (1960), Дом будаўнічых арганізацый (1966), комплекс будынкаў Брэсцкага інжынерна-будаўнічага інстытута (1967; у суаўтарстве), дзевяціпавярховая гасцініца «Беларусь» (1971), эксперыментальная сярэдняя школа № 10 з архітэктурна-мастацкім ухілам па вул. Крывашэiна (1979; у суаўтарстве).

З 1963 г. — член Саюза архітэктараў Беларускай ССР. У 1971 г. З. М. Леўчанка было прысвоена ганаровае званне «Заслужаны архітэктар Беларускай ССР». З 1975 г.працавала галоўным спецыялістам-архітэктарам тэхаддзела інстытута «Брэстграмадзянпраект».

Зінаіда Мікалаеўна актыўна ўдзельнічала ў грамадскім жыцці. Неаднаразова выбіралася дэпутатам Брэсцкага гарадскога Савета народных дэпутатаў. Узнагароджана медалямі: «За оборону Кавказа», «За Победу над Германией», «За трудовое отличие», «За доблестный труд. В ознаменование 100-летия со дня рождения В. И. Ленина».

Зінаіда Мікалаеўна заўчасна памерла 16 мая 1980 г. ва ўзросце 55 гадоў.

Матэрыял падрыхтаваны ў 2020 г. Брэсцкай цэнтральнай гарадской бібліятэкай імя А. С. Пушкіна. Юркевіч Жанна Валер’еўна, заг. інфармацыйна-бібліяграфічнага адзела

1. Леўчанка Зінаіда Мікалаеўна// Культура Беларусі : энцыклапедыя : [у 6 т.]. Мінск, 2014. Т. 5. С. 73–74.
2. Левченко Зинаида Николаевна// Регионы Беларуси : энциклопедия : в 7 т. Минск, 2009.Т. 1, кн. 2. С. 15–16.
3. Левченко Зинаида Николаевна // Республика Беларусь : энциклопедия : [в 7 т.]. Минск, 2007. Т. 4. С. 424.
4. Леўчанка Зінаіда Мікалаеўна// Памяць. Брэст : гіст.-дакум. хроніка : у 2 кн. Мінск, 2001. Кн. 2. С. 622.
5. Леўчанка Зінаіда Мікалаеўна // Архітэктура Беларусі : энцыкл. даведнік. Минск, 1993. С. 594.
6. Левченко Зинаида Николаевна // Архитекторы Советской Белоруссии : биогр. справочник. Минск, 1991. С. 63.
7. Леўчанка Зінаіда Мікалаеўна / А. А. Воінаў // Энцыклапедыя літаратуры і мастацтва Беларусі : у 5 т. Мінск, 1986. Т. 3. С. 247.
8. «Брестгражданпроект» // Брест : энцикл. справочник. Минск, 1987. С. 102–103.
9. Брэстграмадзянпраект / М. С. Такоеў // Энцыклапедыя літаратуры і мастацтва Беларусі : у 5 т. Мінск, 1984. Т. 1. С. 481–482.
10. «Беларусь» : [гостиница в г. Бресте] // Брест : энцикл. справочник. Минск, 1987. С. 80.
11. З. Н. Левченко : [некролог] / группа товарищей // Заря. 1980. 20 мая.