Да дзявятага класа ужо канчаткова вызначыўся, што будзе займацца разьбой па дрэве, і стаў сур’ёзна займацца гэтай справай. Аднавяскоўцы адразу прыкмецілі яго талент. Заахвочвалі занятак сына і бацькі, якія былі працавітымі людзьмі. Бацька быў майстрам на ўсе рукі, маці, педагог мясцовай школы, нядрэнна малявала,. Дзед Пятро па матулінай лініі рабіў з дрэва бочкі, калаўроткі, ладна майстраваў санкі, лыжы. Першымі настаўнікамі ў выяўленчым мастацтве і разьбе па дрэве, акрамя маці, былі У. Б. Качаноўскі – настаўнік літаратуры, разьбяр-аматар і А. І. Вінярскі – прафесійны майстар-разьбяр. Сваю першую сур’ёзную работу – фігуру сяляніна – Уладзімір Чырвін зрабіў для раённай выставы народнай творчасці.

З 1976 г. пачалася працоўная дзейнасць Уладзіміра Чыквіна. Спачатку быў лабарантам у філіяле Акадэміі навук БССР запаведніка «Белавежская пушча», рабіў каляровыя ілюстрацыі да навуковых прац. Працаваў у Мікалаеўскай васьмігадовай школе (выкладаў маляванне і разьбу па дрэве) і ў Дзмітровіцкай сярэдняй школе.

Служыў у Савецкай арміі ў Закарпацці. Знаёмства ў час службы з цікавымі, таленавітымі людзьмі, якія займаліся разьбярствам, яшчэ больш умацавала жаданне юнака прысвяціць сябе мастацтву. Нават да сённяшніх дзён не страціў Уладзімір Мікалаевіч цесных сувязяў з былымі саслужыўцамі – мастакамі-рэзчыкамі з Івана-Франкоўска.

Пасля вяртання на радзіму, пачаў працаваць у мастацкай майстэрні Камянецкага Дома культуры і адначасова паступіў на мастацка-графічнае аддзяленне Віцебскага дзяржаўнага педагагічнага інстытута імя С. М. Кірава. Вучоба ў інстытуце (1980–1984) дапамагла не толькі ўдасканаліць свае творчыя здольнасці, але і паглыбіцца ў вывучэнне беларускай культуры, звярнуць увагу на праблемы адыходу ў нябыт некаторых традыцыйных для нашых продкаў відаў мастацтва.

З 1983 г. У. М. Чыквін жыве ў Кобрыне. Адкрыццё Кобрынскага вучылішча народных мастацкіх промыслаў № 156 супала з заканчэннем вучобы ў інстытуце, таму прапанову перадаваць свае веды і майстэрскія навыкі маладому пакаленню прыняў адразу. Потым была праца мастаком-афарміцелем у мастацкай майстэрні парка культуры і адпачынку імя А. В. Суворова. Прысвоена кваліфікацыя мастака першай катэгорыі. З 1986 г. – кіраўнік гуртка разьбы па дрэве пры Доме піянераў. Абсталяваў мастацка-вытворчую майстэрню, стаў адным з заснавальнікаў гарадской мастацкай галерэі «Bona Sforca».

Плён стваральнай працы Уладзіміра Мікалаевіча можна ўбачыць у розных куточках Беларусі і далёка за яе межамі. Цікавай практыкай стала для

майстра аднаўленне іканастасаў у Пакроўскім храме в. Пачапава Баранавіцкага раёна і Пакроўскім храме в. Чамяры Камянецкага раёна. Прымаў удзел у рэканструкцыі і аднаўленні згубленых элементаў у касцёлах у Беластоку і Кракаве (Польшча). Стажыраваўся ў Кракаве па аднаўленні палаца шлюбу палацавага комплексу князёў Браніцкіх, што ў Беластоку, у якасці разьбяра-рэстаўратара. Адна з турыстычных баз у Кыргызстане амаль цалкам аздоблена па эскізным праекце нашага земляка. 25 драўляных домікаў, выкананых ім з былымі калегамі, удзельнікамі кааператыўнай майстэрні, доўгі час упрыгожвалі цэнтральную плошчу г. Хромтаў у Казахстане. Вавёрка-каралева, якая пасялілася ў кобрынскім парку і палюбілася дзетвары, таксама справа рук Уладзіміра Чыквіна.

Часты госць мастацкіх фестываляў, праектаў, удзельнік этнаграфічных экспедыцый, лектар. Важную частку ў дзейнасці Уладзіміра Чыквіна займае ўдзел у выставах – раённых, абласных, рэспубліканскіх, міжнародных. Удзельнік «Горада майстроў» на Міжнародным фестывалі мастацтваў «Славянскі базар у Віцебску». Удзельнік і дыпламант шматлікіх конкурсаў, выставаў, плэнэраў у Польшчы, Швецыі, Венесуэле, Індыі, Шры-Ланке. Аўтар праекта «Берасцейская лыжка», а таксама беларуска-шведскай ідэі «Зрабі фігуру», праграмы «Разьба па дрэве».

Член Беларускага саюза майстроў народнай творчасці (2005), з 2005 г. узначальвае абласное аддзяленне гэтага саюза. Член абласнога савета па традыцыйным мастацтве. Займаецца навукова-даследчай працай у кірунку «Беларускі драўляны посуд», напісаў метадычную працу «Берасцейская драўляная лыжка». Аўтар артыкулаў па мастацтве і культуры.

У. М. Чыквіну прысвоена званне «народны майстар Рэспублікі Беларусь» (2010). З’яўляецца членам грамадскага аб’яднання абласнога тыпу аматараў мастацтваў рэгіёна «Белавежская пушча» і Брэстчыны «Тур», якое праводзіць вялікую работу па адраджэнні страчанага, захаванні духоўнай спадчыны. Выдатны майстар-разьбяр, у руках якога звычайны кавалак дрэва здольны ператварыцца ў казачнага персанажа ці пераўвасобіцца ў носьбіта нацыянальных традыцый; чалавек, які паставіў мэтай свайго жыцця адраджэнне народных промыслаў, якія аказаліся незаслужана забытымі.

Матэрыял падрыхтаваны ў 2024 г. Кобрынскай цэнтральнай раённай бібліятэкай. Курачук Святлана Дзмітрыеўна, бібліёграф I кат. аддзела абслугоўвання і інфармацыі

1. Чыквін Уладзімір Міхайлавіч // Памяць. Камянецкі раён : гіст.-дакум. хроніка. Мінск, 1997. С. 512–513.
2. Кірылюк, Л. М. Кобрынскія мастакі на мяжы стагоддзяў. Чыквін Уладзімір Міхайлавіч / Л. М. Кірылюк, Т. С. Назарук, Л. С. Шчур // Памяць. Кобрынскі раён : гіст.-дакум. хроніка. Мінск, 2002. С. 526.

1. Валасюк, Л. Уладзімір Чыквін / Лявон Валасюк // Непрыдуманыя партрэты : мастакі і літаратары, народныя майстры і дойліды Берасцейшчыны / Лявон Валасюк. Брэст, 2014. С. 236–237.

1. Бакун, А. Дзе ёсць падмурак, там будзе і дах : [забытыя рамёствы імкнецца адрадзіць У. Чыквін] / Алена Бакун // Кобрынскі веснік. 2018. 25 красавіка. С. 6.
2. Быцько, Л. Стыпендыя для чарадзея : [разбяр У. Чыквін адаптуе старадаўнюю традыцыю беларускай «рэзі» да сучасных умоў] / [Ларыса Быцько ; гутарыў] Яўген Рагін // Культура. 2018. 14 ліпеня. С. 11
3. Волков, С. Искусство в дереве : [резчик по дереву В. Чиквин принимает участие в областном пленере резчиков монументальной скульптуры] / Сергей Волков // Заря. 2018. 22 августа. С. 2.
4. Крывецкая, Н. Знакамітасці ў дрэве : [майстар-разбяр У. Чыквін прымаў удзел у абласным пленэре разьбяроў манументальнай скульптуры] / Наталля Крывецкая // Заря. 2018. 1 сентября. С. 6.
5. Мечная, Н. Трагедия Сороцней : [резчик по дереву В. Чиквин – один из авторов скульптурной композиции, установленой в д. Сороцни Дрогичинского района в память о трагических событиях 15 сентября 1943 г.] / Наталья Мечная // Заря. 2018. 22 сентября. С. 5.
6. Сацута, А. Майстравіты «Скарб» : [калекцыя драўлянага посуду майстра У. Чыквіна была прадстаўлена на выставе «Вандорўкі па Палессі» ў Польшчы] / Алена Сацута // Заря. 2017. 16 сакавіка. С. 12.
7. Кандрашук, Н. Ён разумее дрэва : [майстар-клас па разьбярстве ад народнага майстра Рэспублікі Беларусь У. Чыквіна з г. Кобрына] / Наталля Кандрашук // Кобрынскі веснік. 2015. 24 кастрычніка. С. 4.
8. Волосюк, Л. Портреты – встречи. Народные мастера. Узнаваемые личности / Лявон Волосюк ; подготовила Н. Кондрашук // Кобрин-информ. 2014. 23 октября. С. 3.
9. Чыквін, У. Пуцёўка ў вечнае лета : [майстар прадстаўляў народныя рамёствы і промыслы на міжнародным фестывалі «Расія – Iндыя – Шры-Ланка»] / [Уладзімір Чыквін ; гутарыў] Раман Мельнік // Кобрынскі веснік. 2014. 15 лютага. С. 10.
10. Мельнік, Р. Фігуры роду Сапегаў – у падарунак : [актыўны ўдзел у абласным пленэры разьбяроў манументальнай скульптуры прыняў кобрынскі народны майстар У. Чыквін] / Раман Мельнік // Кобрынскі веснік. 2013. 19 чэрвеня. С. 3.
11. Генюш, М. Убачыць анёлаў : [аб выставе клуба майстроў народнай творчасці «Скарб» у Брэсцкім АГКЦ, аўтарскія калекцыі У. Чыквіна, В. Логвіна, М. Кулецкай] / Марыя Генюш // Брестский вестник. 2013. 16 мая (№ 20). С. 19.
12. Мошчык, С. «Скарб» Берасцейшчыны : [аб абласным клубе майстроў народнай творчасці, членам якога з’яўляецца У. Чыквін] / Сяргей Мошчык // Вечерний Брест. 2011. 9 декабря. C. 6.
13. Кандрашук, Н. Сустракаліся майстры народнага мастацтва : [кобрынскія рамеснікі У. Чыквін і В. Дароцька прымалі ўдзел у беларуска-шведскім семінары разьбяроў] / Наталля Кандрашук // Кобрынскi веснiк. 2011. 15 кастрычніка. C. 12.
14. Бунеева, Л. «Лучший сувенир»: успехи и подмоченные репутации : [среди победителей конкурса «Лучший сувенир» – кобринчанин В. Чиквин (шкатулка, поднос, панно, выполненные в технике резьбы по дереву)] / Людмила Бунеева // Вечерний Брест. 2011. 1 апреля. C. 4.
15. Кандрашук, Н. Белавежскія карані разьбяра / Наталля Кандрашук // Лiтаратура і мастацтва. 2010. 14 мая (№ 19). С. 12.
16. Кандрашук, Н. Без творчасцi не ўяўляю жыцця... / Наталля Кандрашук // Навiны Камянеччыны. 2010. 24 красавіка. С. 8.
17. Мельнік, Р. Майстар. Аднойчы і пажыццёва : народны майстар У. Чыквин / Раман Мельнік // Кобрынскi веснiк. 2010. 17 красавіка. C. 1.
18. Народный мастер Чиквин : [кобринскому художнику, скульптору, мастеру резьбы по дереву В. Чиквину присвоено звание народного мастера Республики Беларусь] // Кобрин-информ. 2010. 15 апреля. C. 2.
19. Кобринский мастер оценивает шведских мастеров // Кобрин-информ. 2009. 17 сентября. C. 28.
20. Мельнік, Р. Уладзімір Чыквiн: «А творчае жыццё ўсё ў плённай працы» / Раман Мельнік // Кобрынскi веснiк. 2009. 22 ліпеня. C. 6.
21. Пазнаёміліся з Венесуэлай : [на працягу 10 дзён у складзе прадстаўнічай дэлегацыі кобрынскія майстры народнай творчасці Ю. Піваварава і У. Чыквін знаёмілі жыхароў Венесуэлы з дасягненнямі беларускай культуры] // Народная трыбуна. 2008. 5 студзеня. C. 3.
22. Чыквін, У. Стваральнік вечнай прыгажосці / Уладзімір Чыквін ; [гутарыла] Вікторыя Патоня // Кобрынскi веснiк. 2008. 23 красавіка. C. 4.
23. Патоня, В. Падарунак лёсу : [майстрам народнай творчасці Ю. Піваваравай і У. Чыквіну пашчасціла пабываць у Венесуэле] / Вікторыя Патоня // Кобрынскi веснiк. 2007. 29 снежня. C. 1–2.
24. Наши в Венесуэле : [майстры народнай творчасці Ю. Піваварава і У. Чыквін пабывалі ў Венесуэле] // Кобрин-информ. 2007. 13 декабря. C. 2.
25. Шевченко, А. В творческой мастерской Владимира Чиквина / А. Шевченко // Кобрин-информ. 2006. 3 августа. С. 5.
26. Глущенко, Т. Древо на всю жизнь : [о кобринском резчике по дереву В. Чиквине] / Тамара Глущенко // Вечерний Брест. 2005. 17 августа. С. 6.
27. Свинтилова, Н. В «Городе мастеров» поселились брестчане : [кобринский резчик по дереву В. Чиквин на «Славянском базаре»] / Наталья Свинтилова, Татьяна Корнелюк // Вечерний Брест. 2005. 20 июля. С. 8.
28. Хильчук, М. Рук мастерство и дерева тепло / Мария Хильчук // Кобрынскі веснік. 2005. 21 верасня. С. 3.
29. Чыквін, У. З Віцебска – з перамогай : [разьбяр У. Чыквін атрымаў І месца ў намінацыі «Выраб утылітарнага прызначэння»] / Уладзімір Чыквін // Кобрынскі веснік. 2005. 30 ліпеня. С. 3.
30. Шульга, Т. Взметнулись в небо три креста : [о крестах, установленных резчиками по дереву А. Турковым, В. Доротько и В. Чиквиным в д. Млыны Каменецкого района] / Татьяна Шульга // Заря. 2004. 14 декабря.
31. Данилова, Е. Не только состояние души : [о выставке работ В. Чиквина] / Елена Данилова // Кобрин-информ. 2004. 18 марта. С. 3.
32. Трибулева, Е. Соло для деревянной ложки : [о коллекции резчика по дереву В. Чиквина] / Елена Трибулева // Вечерний Брест. 2004. 28 января. С. 2.
33. Микрюков, А. Пасхальный вернисаж в общественно-культурном центре : [о выставке работ В. Чиквина (Кобрин) и А. Туркова (Каменец) в Бресте] / Александр Микрюков // Брестский курьер. 2003. № 18. С. 8.
34. Удивят многогранностью таланта : [28 апреля в общественно-культурном центре откроется выставка работ известных художников Брестчины, в их числе В. Чиквин] // Заря. 2002. 26 апреля. С. 1.