Мікалай Жук пайшоў вучыцца завочна на гістарычны факультэт Беларускага дзяржаўнага ўніверсітэта імя У. І. Леніна, працаваў у Іванаўскім райкаме ЛКСМБ. За сем гадоў вырас ад інструктара да другога, а потым і першага сакратара райкама. Мог іграць на гармоніку на танцах у сельскім клубе, праводзіць камсамольскія вяселлі. Пасля стаў старшынёй раённага Камітэта народнага кантролю, яму тады было крыху за трыццаць, з’яўляўся самым маладым старшынёй камітэта ў Савецкім Саюзе.

У 1990 г. закончыў Мінскую вышэйшую партыйную школу пры ЦК КПБ і тады ж завочна закончыў планава-эканамічны факультэт Беларускага інстытута народнай гаспадаркі імя В. У. Куйбышава. Тады ж былі скасаваны Камітэты народнага кантролю, Мікалай Васільтевіч заняў пасаду намесніка старшыні Іванаўскага райвыканкама, з’яўляўся старшынёй планавай камісіі. Потым кароткі час з мая 1991 г. з’яўляўся першым сакратаром Іванаўскага райкама КПБ. Мікалаю Васільевічу давялося пабыць апошнім кіраўніком камітэта Народнага кантролю ў раёне і апошнім першым сакратаром райкама.

Пасля прыпынення дзейнасці КПСС у жніўні 1991 г. М. В. Жук вярнуўся на пасаду намесніка старшыні Іванаўскага райвыканкама, курыраваў пытанні эканомікі. У 1993 г. узначаліў раённы філіял Ашчаднага банка Рэспублікі Беларусь, якi ў 1995 г. быў пераўтвораны ў АСБ «Беларусбанк». Адпрацаваў у філіяле сямнаццаць гадоў — да 2010 г. Будаўніцтва будынка банка, першыя філіялы на вёсцы, першыя валютныя банкаўскія аперацыі, укараненне інфармацыйных тэхналогій — усё гэта прыйшлося на гады яго кіраўніцтва.

За добрасумленную працу М. В. Жук узнагароджаны медалём «За трудовое отличие» (1986), Ганаровай граматай Нацыянальнага сходу Рэспублікі Беларусь (2008), граматамі раённага і абласнога ўзроўняў.

Мікалай Васільевіч прымае актыўны ўдзел у грамадскім жыцці горада і раёна. Неаднаразова выбіраўся дэпутатам раённага Савета дэпутатаў. З лютага 2012 г. узначальвае пярвічную арганізацыю ветэранаў філіяла № 112 ААТ «Беларусбанк», з’яўляецца намеснікам старшыні раённай арганізацыі Беларускага грамадскага аб’яднання ветэранаў. Пры яго непасрэдным удзеле былі створаны музеі баявой і працоўнай славы ў Рудску і Крытышыне. У 2015 г. ініцыяваў пошук у архівах звестак пра трагічную гібель савецкіх работнікаў у кастрычніку 1944 г. у в. Ляскавічы ад рук украінскіх нацыяналістаў-бандэраўцаў. Як гісторык і краязнаўца прымаў удзел у падрыхтоўцы кніг «О подвигах, о доблести, о славе...» (2015), «Памятники Ивановщины рассказывают» (2018).

У ліку шматлікіх хобі Мікалая Жука чытанне заўсёды было любімым. Яго асабістая бібліятэка налічвае некалькі тысяч кніг. Любіць гістарычную літаратуру, асабліва тую, якая тычыцца ХХ ст. У 2018 г. перадаў у дар Іванаўскай дзіцячай бібліятэцы 50 кніг са сваёй асабістай калекцыі.

У гады камсамольскай работы сустрэў сваю жонку, Марыю Макараўну (Шамшорык), ураджэнку Адрыжына, якая таксама была камсамольскім арганізатарам, скончыла Вышэйшую партыйную школу. Выгадавалі сына Аляксея, які стаў праграмістам у банку.

12 снежня 2019 г. старшыня Іванаўскага райвыканкама Анатоль Уладзіміравіч Ткачук, уручаючы віншавальны адрас Мікалаю Васільевічу, падзякаваў за шматгадовую добрасумленную працу на карысць сваёй малой радзімы, за актыўны ўдзел у грамадскім жыцці раёна.

Рашэннем Іванаўскага раённага Савета дэпутатаў № 89 ад 27 снежня 2019 г. М. В. Жуку было прысвоена званне «Ганаровы грамадзянін Іванаўскага раёна». Уручэнне дыплома, пасведчання і нагруднага знака адбылося 17 студзеня 2020 г. на ўрачыстым мерапрыемства, прысвечаным 80-годдзю з дня ўтварэння Іванаўскага раёна.

Знаходзячыся на заслужаным адпачынку, Мікалай Васільевіч застаецца лідарам, чалавекам глыбокім, абавязковым, адказным — чалавекам, які вядзе за сабой, ўсяляе ўпэўненасць і надзею.

Матэрыял падрыхтаваны ў 2024 г.

Іванаўскай цэнтральнай раённай бібліятэкай імя Ф. І. Панфёрава.

Пай Вольга Васільеўна,

бiблiёграф аддзела абслугоўвання і інфармацыі

1. Почетные граждане Ивановского района // Ивановский район / [автор текста Галина Шафран ; фото Валерия Михальчука, Андрея Рыбачука]. Брест, 2024. С. 7–8 : фот.
2. Мікалай Жук // Людзі Янаўскага краю / аўт. тэксту і ўклад. І. Гетман ; прадм. Ю. Бісуна ; фота В. Міхальчука, В. Жушмы. Мінск, 2018. С. 63–69.
3. Памятники Ивановщины рассказывают / [сост. И. С. Шпак, Л. А. Добродей] ; [реценз. : Н. В. Жук; Л. А. Павельчук; Л. Г. Дричиц]. – Иваново : Ивановская районная типография, 2018. – 444 c.
4. О подвигах, о доблести, о славе... : 75-летию образования Ивановского района и 70-летию Победы советского народа в Великой Отечественной войне посвящается / Ивановская районная организация Белорусского общественного объединения ветеранов ; сост. М. П. Горупа ; реценз.: пред. район. Совета депутатов, пред. районной организ. Белорусского Фонда мира К. М. Ваврук; историк-краевед Н. В. Жук. – Иваново : Ивановская районная типография, 2015. – 349 с.
5. Жук Мікалай Васільевіч // Памяць. Іванаўскі раен : гіст.-дакум. хронiка. Мінск, 2000. С. 515.
6. Воронина, Е. «Это его родной край, его земля и люди» : [о жизненном и трудовом пути Николая Васильевича Жука] / Елена Воронина // Янаўскі край. Іванава, 2024. 13 снежня (№ 50). С. 9.
7. Януш, А. Встреча ветеранов труда Беларусбанка / Анна Януш // Янаўскі край. Іванава, 2024. 18 кастрычніка (№ 42). С. 4.
8. Кресс, Д. Молодежь всех поколений объединяет одно – любовь к Родине : [упоминается Н. В. Жук]/ Диана Кресс // Янаўскі край. Іванава, 2023. 27 кастрычніка (№ 43). С. 11.
9. Воронина, Е. Беларусбанк – надежность, проверенная 100-летием : [упоминается Н. В. Жук] / Елена Воронина // Янаўскі край. Іванава, 2022. 30 снежня (№ 52). С. 14–15.
10. Соломка, И. Еще не время думать о закате : [12 декабря 70-летний юбилей отметил Николай Васильевич Жук] / Ирина Соломка // Янаўскі край. Іванава, 2019. 13 снежня. С. 14–15.
11. Михальчук, В. Николаю Васильевичу Жуку – 70 / Валерий Михальчук // Янаўскі край. Іванава, 2019. 12 снежня.
12. Гетман, И. Память не должна быть сиюминутной... : [о «круглом столе», посвященном 75-летию освобождения Беларуси, с участием Н. В. Жука] / Игорь Гетман // Янаўскі край. Іванава, 2019. 5 ліпеня. С. 6–7.
13. Целюк, А. «Не расстанусь с комсомолом» : [29 октября ВЛКСМ отметил 100-летний юбилей. Комсомольские годы вспомнил Н. В. Жук] / Анастасия Целюк // Янаўскі край. Іванава, 2018. 6 лістапада. С. 4.
14. Кухарчук, К. «Юность комсомольская моя» : [о мероприятии, посвященном 100-летию со дня образования ВЛКСМ, с учатием Н. В. Жука] / К. Кухарчук // Янаўскі край. Іванава, 2018. 26 кастрычніка. С. 7.
15. Кривецкая, Н. В дар – книги : [Н. В. Жук передал в дар Ивановской детской библиотеке 50 книг] / Н. Кривецкая // Заря. 2018. 8 сентября. С. 7.
16. Михальчук, В. Упор на ветеранов, молодость и здоровье : [ветераны во главе с бывшим директором банка Н. В. Жуком принимают активное участие в жизни родного учреждения] / Валерий Михальчук // Янаўскі край. Іванава, 2018. 24 жніўня. С. 6.
17. Жук, Н. В. Николай Жук: «Как человека меня сформировала книга» / Киколай Жук ; беседовал Игорь Гетман // Янаўскі край. Іванава, 2018. 14 жніўня. С. 5.
18. Коленда, К. Достойно держат свое ветеранское звание : [об отчете заместителя председателя районного совета ветеранов Н. В. Жука] / Катерина Коленда // Янаўскі край. Іванава, 2018. 27 сакавіка.
19. Городецкая, Я. День пожилого человека в Беларусбанке : [об отношении к пожилым в ЦБУ № 112 Беларусбанка и председателе ветеранской первички Н. В. Жуке] / Янина Городецкая // Янаўскі край. Іванава, 2017. 12 кастрычніка. С. 2.
20. Поникаревич, В. Ведь жизнь продолжается / В. Поникаревич // Янаўскі край. Іванава, 2017. 3 кастрычніка. С. 5.
21. Митюков, А. В Ивановском районе открыли памятник погибшим от рук послевоенных бандитов : [в д. Лясковичи] / Александр Митюков // Советская Белоруссия. 2016. 16 июля.
22. Горупа, М. К истории Беларусбанка: поиск продолжается… / Мария Горупа // Чырвоная звязда. Іванава, 2016. 6 студзеня. С. 7.
23. Саломка, I. Знiтаваныя лёсам з родным краем : [пра вечар, прысвечаны сям’i М. В. Жука і прымеркаваны да 70-годдзя Iванаўскага раёна, у ЦРБ iмя Ф. Панфёрава] / Iрына Саломка // Чырвоная звязда. Іванава, 2010. 31 жніўня. С. 2.
24. Кухарчук, Н. «Беларусбанку» – 80 : [Н. В. Жук, директор филиала № 112 АСБ «Беларусбанк»] / Н. Кухарчук // Чырвоная звязда. Іванава, 1998. 13 студзеня.