Пасля заканчэння сярэдняй школы № 2 г. КобрынаНадзея Дземянчук уладкавалася на работу ў Хадыніцкую сельскую бібліятэку Кобрынскага раёна (1957–1958). Затым працавала піянерважатай у Бярозаўскай школе Кобрынскага раёна (1959–1963).

Атрымала адукацыю ў сферы культуры: закончыла Гродзенскае культурна-асветніцкае вучылішча (1960), бібліятэчны факультэт Мінскага дзяржаўнага педагагічнага інстытута імя А. М. Горкага (1968). У 1963–1968 гг. — культарганізатар Кобрынскага парку культуры і адпачынку імя А. В. Суворава. Потым назначана на пасаду загадчыцы чытальнай залы Кобрынскай раённай бібліятэкі (1968–1972), узначальвала раённую дзіцячую бібліятэку (1972–1977).

Энергічную, мэтанакіраваную і творчую жанчыну запрасілі на адказную пасаду дырэктара Кобрынскага парку культуры і адпачынку імя А. В. Суворава. Яна стала дастойным пераемнікам традыцый былога дырэктара Мікалая Нікіціча Вымаркава, пры якім пашыраліся межы парку, паляпшалася яго добраўпарадкаванне і які імкнуўся, каб Кобрынскі парк прызналі помнікам прыроды рэспубліканскага значэння. Новаму дырэктару ўдалося ажыццявіць гэтую мэту. Пад кіраўніцтвам Н. Р. Дземянчук значнасць і вядомасць парку паднялася на новую вышыню.

На пасадзе дырэктара парку культуры і адпачынку Надзея Рыгораўна працавала з 1977 г. да 1993 г. і прыўнесла ў работу шмат новага. Дзякуючы настойлівасці кіраўніка на радасць маленькіх кабрынчан былі набыты і абсталяваны новыя атракцыёны, некаторыя з якіх прывезены за тысячы кіламетраў. Было пабудавана памяшканне для гульнявых аўтаматаў. Узвядзенне будынка, дзе цяпер знаходзіцца дзіцячы забаўляльны комплекс «Кеша», распачыналася таксама пры Надзеі Дземянчук.

Шмат удалося зрабіць у справе арганізацыі культурна-масавай работы. Асаблівае месца ў праграмах мерапрыемстваў адводзілася дням працоўных рапартаў, ушаноўванні перадавікоў вытворчасці, пераможцаў сацыялістычнага спаборніцтва. Добра зарэкамендавалі сябе і палюбіліся жыхарам горада новыя святы і абрады: пасвячэнне ў рабочыя, урачыстыя провады ў Савецкую армію, уручэнне пашпартаў, тэатралізаваныя святы «Руская зіма», «Сустрэча вясны». Цікава праходзілі і народныя гулянні, якія прысвячаліся савецкім святам, важнейшым падзеям у жыцці краіны, прафесіянальным святам рабочых калектываў. У святочныя дні праводзіліся бяспройгрышныя латарэі, ініцыятарам стварэння якіх з’яўлялася таксама Надзея Дземянчук.

Вялікай папулярнасцю карысталіся дыскатэкі пад адкрытым небам, на якіх выступалі вакальна-інструментальныя ансамблі з цудоўным рэпертуарам і жывым гукам. Старэйшае пакаленне добра памятае ў парку пакой з «крывымі люстрамі», у якім заўсёды гучаў смех. Штотыднёва па нядзелях працаваў лекторый, дзе можна было паслухаць лекцыю аб міжнародным становішчы, сустрэцца з урачамі, юрыстамі, педагогамі. Для дзяцей праводзіліся разнастайныя ранішнікі, святы сустрэчы птушак, піянерскія кастры, конкурсы, былі створаны клубы «Гульні і святы» і «Зялёны патруль». Дырэктар і супрацоўнікі парку імкнуліся, каб людзі розных узростаў і прафесій знайшлі тут занятак па густу, як след адпачылі.

Н. Р. Дземянчук стварыла «жывы куток» у парку. Паўліны, фазаны, чорныя і белыя лебедзі, вавёркі — гэтыя птушкі і жывёлы завозіліся з г. Хімкі Маскоўскай вобласці. Менавіта па ініцыятыве Надзеі Рыгораўны ў парку з'явіліся экзатычныя жывёлы. Старажытныя дрэвы, рэдкія расліны таксама патрабавалі асаблівай руплівасці і ўважлівых адносін да сябе.

У 1983 г. Кобрынскі парк культуры і адпачынку імя А. В. Суворавапрымаў удзел у чацвёртым туры конкурсу-агляду паркаў СССР і па яго выніках быў удастоены Дыплома II ступені ВДНГ, парку прысуджаны сярэбраны і два бронзавыя медалі. Асабіста Надзея Рыгораўна была ўзнагароджана сярэбраным медалём ВДНГ СССР і іншымі адзнакамі. Так высока ацэнена і прыгажосць, і гістарычнае значэнне парку, і тая работа, якая праводзілася па арганізацыі цікавага і карыснага адпачынку насельніцтва.

Н. Р. Дземянчук прысвоена званне «Заслужаны работнік культуры Беларускай ССР» (1991). Узнагароджана юбілейным медалём «За доблестный труд», значком Міністэрства культуры СССР «За отличную работу».

Надзея Рыгораўна Дземянчук памерла 23 сакавіка 2001 г.

Сёння Кобрынскі парк імя А. В. Суворава заслужана займае адно з вядучых месцаў сярод сваіх рэспубліканскіх субратаў. Даўнія мары Надзеі Рыгораўны здзейсніліся. Справа, якой яна прысвяціла амаль што ўсё сваё сумленнае жыццё, прымножана на радасць новых пакаленняў кабрынчан.

Матэрыял падрыхтаваны ў 2025 г.

Кобрынскай раённай цэнтралізаванай бібліятэчнай сістэмай.

Курачук Святлана Дзмітрыеўна,

бібліёграф I кат. аддзела абслугоўвання і інфармацыі

1. Деменчук Надежда Григорьевна // Кто есть кто. Деловой мир СНГ. Минск, 2001. Вып. 1. С. 64–65.
2. Дземянчук Надзея Рыгораўна // Памяць. Кобрынскі раён : гіст.-дакум. хроніка. Мінск, 2002. С. 428–429.
3. Дземянчук Надзея Рыгораўна // Па працы – пашана : біябібліяграфічны даведнік / Кобрынская раённая цэнтралізаваная бібліятэчная сістэма, цэнтральная раённая бібліятэка, аддзел абслугоўвання і інфармацыі ; склад.: С. Д. Курачук, Л. С. Дардзюк. Кобрын, 2020. С. 121.
4. 85 гадоў з дня нараджэння Н. Р. Дземянчук (1940–2001) // Зводны Каляндар дат і падзей Кобрыншчыны : краязнаўча-бібліяграфічны каляндар на 2021–2025 гг. / Кобрынская раённая цэнтралізаваная бібліятэчная сістэма, цэнтральная раённая бібліятэка, аддзел абслугоўвання і інфармацыі ; склад.: С. Д. Курачук, Л. С. Дардзюк. Кобрын, 2020. С. 167.
5. Зялёная жамчужына горада : інфармацыйна-пазнавальны даведнік / Кобрынская раённая цэнтралізаваная бібліятэчная сістэма, цэнтральная раённая бібліятэка, аддзел абслугоўвання і інфармацыі ; склад. гал. бібліёграф С. Д. Курачук. – Кобрын, 2018. – 100 с. : іл. – (Серыя «Ведай і любі свой горад»).
6. Мартынов, А. М. Кобринский парк имени А. В. Суворова / А. М. Мартынов // Свод памятников истории и культуры Белоруссии. Брестская область. Минск, 1990. С. 244–245.
7. Анціпаў, В. Р. Кобрынскі парк / В. Р. Анціпаў // Энцыклапедыя літаратуры і мастацтва Беларусі : у 5 т. Мінск, 1986. Т. 3. С. 89.
8. Мартынаў, А. М. Гарадскі парк імя А. В. Суворава / А. М. Мартынаў // Збор помнікаў гісторыі і культуры Беларусі. Брэсцкая вобласць. Мінск, 1984. С. 220–221.
9. Мельнiк, Р. З паркам назаўжды : [важны ўклад у росквіт кобрынскага парку зрабіла былы яго дырэктар заслужаны работнік культуры БССР Н. Р. Дземянчук] / Раман Мельнік // Кобрынскi веснiк. 2011. 7 мая. C. 4.
10. Березюк, Е. По этим аллеям ходил Суворов : [традиции парка заложили его бывшие директора Василий Харитонюк, Николай Выморков, Надежда Деменчук] / Е. Березюк // Рэспубліка. 2005. 20верасня.
11. Илларионова, Л. Там по ночам кричат павлины : [знаменит суворовский парк и своими праздниками, традиции проведения которых заложили его первые директора, в их числе заслуженный работник культуры БССР Н. Г. Деменчук] / Лара Илларионова // Вечерний Брест. 2004. 16 июля.
12. Андросюк, И. Кобринские жар-птицы : [Надежда Григорьевна Деменчук (бывший директор парка) много времени уделяла развитию живого уголка кобринского парка] / Ирина Андросюк // Кобрынскі веснік. 2004. 18 верасня.
13. Кірык, В. З днём нараджэння, парк! : [шмат удалося зрабіць у справе арганізацыі культурна-масавай работы Надзеі Дземянчук, якая працавала дырэктарам парку з 1977 г. да 1993 г.] / [Валерый Кірык ; гутарыў] Аляксей Пянко // Кобрынскі веснік. 2003. 27 верасня.
14. Мартынов, А. Наш парк : [под руководством Н. Деменчук значимость и известность парка поднялась на новую высоту] / А. Мартынов // Кобрынскі веснік. 1994. 12 лютага. С. 2–3.
15. Дземянчук, Н. Р. Парк наш – прыгажосць наша : [гутарка з дырэктарам парку імя А. В. Суворава Н. Р. Дземянчук] / Н. Р. Дземянчук // Кобрынскі веснік. 1991. 24 жніўня.
16. Леванюк, В. Зялёны аазіс Кобрына : [пра дырэктара Кобрынскага парку імя А. В. Суворава Н. Р. Дземянчук] / В. Леванюк // Заря. 1991. 3 июля.
17. Пятроўская, М. Што нас чакае ў парку? / М. Пятроўская // Камуністычная праца. Кобрын, 1990. 7 красавіка.
18. Краўчэня, Г. Свята ўраджаю : [у парку імя А. В. Суворава] / Г. Краўчэня // Камуністычная праца. Кобрын, 1989. 18 лістапада.
19. Федаровіч, І. Блукае па алеях восень… : [у парку імя А. В. Суворава] / І. Федаровіч // Камуністычная праца. Кобрын, 1989. 30 верасня.
20. Юшчук, Я. У нашым гістарычным парку… / Я. Юшчук // Камуністычная праца. Кобрын, 1989. 18 красавіка.
21. Дземянчук, Н. Дапамога сапраўды патрэбна : [дырэктар парку імя А. В. Суворава ўдакладняе праблемы, названыя ў артыкуле С. Місюка] / Н. Дземянчук // Камуністычная праца. Кобрын, 1989. 23 сакавіка.
22. Місюк, С. А ў нашым старым парку… : [аб неабходнасці рамонту павільёнаў у парку імя. А. В. Суворава] / С. Місюк // Камуністычная праца. Кобрын, 1989. 11 сакавіка.
23. Дземянчук, Н. Для лепшага адпачынку : [у парку] / Н. Дземянчук // Камуністычная праца. Кобрын, 1986. 11 сакавіка.
24. Бокатюк, И. Прокати, лошадка! : [зимние забавы для детей в кобринском парке] / И. Бокатюк // Заря. 1985. 12 января.
25. Казловіч, М. Другая маладосць парку : [у Кобрыне] / М. Казловіч // Літаратура і мастацтва. 1984. 9 лістапада. С. 11.
26. Козлович, Н. Под сенью суворовских лип : [о Кобринском парке им. А. В. Суворова] / Н. Козлович // Заря. 1984. 4 августа.
27. Дземянчук, Н. Запрашаем на адпачынак : [у парк імя А. В. Суворава] / Н. Дземянчук // Камуністычная праца. Кобрын, 1984. 1 мая.
28. Козлович, Н. В суворовском парке : [о Кобринском парке им. А. В. Суворова] / Н. Козлович // Советская Белоруссия. 1984. 10 марта.
29. Сологубов, В. Серебряная медаль – парку : [в Кобрине] / В. Сологубов // Сельская газета. 1983. 28 апреля.
30. Анісковіч, У. Зялены аазіс Кобрына / У. Анісковіч // Родная прырода. 1983. № 3. С. 12–13.
31. Пятроўская, М. Наш парк – наша гордасць : [Кобрынскаму парку культуры і адпачынку імя А. В. Суворава прысуджаны сярэбраны і два бронзавыя медалі ВДНГ СССР і Дыплом II ступені] / М. Пятроўская // Камуністычная праца. Кобрын, 1983. 29 студзеня.
32. Жукович, В. В старинном парке : [в Кобрине] / В. Жукович // Заря. 1981. 10 сентября.
33. Дземянчук, Н. Жыхары наша парку / Н. Дземянчук // Камуністычная праца. Кобрын, 1981. 6 жніўня.
34. Мартынаў, А. Зялёны востраў Кобрына / А. Мартынаў // Родная прырода. 1979. № 4. С. 9.