Праект Палаца распрацаваны ў 2007 г. творчым калектывам ААТ «Брэстпраект» пад кіраўніцтвам архітэктара Валерыя Георгіевіча Кескевіча. Генеральным падрадчыкам стаў ААТ «Будаўнічы трэст № 8». Будаўніцтва было распачата ў снежні 2007 г., на розных этапах былі прыцягнуты каля 30 будаўнічых арганізацый. Будаўнікам у 2009–2010 гг. дапамагалі студэнты Брэсцкага дзяржаўнага тэхнічнага ўніверсітэта. Комплекс Палаца складаецца з двух будынкаў: непасрэдна Палаца з чатырма басейнамі і будынка абласнога дыспансера спартыўнай медыцыны, які здадзены ў эксплуатацыю ў канцы 2009 г.

Агульная плошча Палаца — 26 тыс. кв. м. Самы вялікі басейн мае даўжыню 50 м, што адпавядае патрабаванням міжнароднай федэрацыі плавання. Для спаборніцтваў выдзелены 8 дарожак і 2 запасныя. Упершыню ў Беларусі басейн абслугоўваецца з дапамогай перасоўнай платформы. Прадугледжана трыбуна для гледачоў на 1075 месцаў. Фізкультурна-аздараўленчы басейн 25 м (4 дарожкі) прызначаны для трэніровак спартсменаў і заняткаў аздараўленчым плаваннем.

Басейн для скокаў глыбінёй 6 м абсталяваны вышкамі вышынёй 1 м, 3 м, 5 м, 7 м і 10 м для індывідуальных і сінхронных скокаў. Самы малы басейн «Малютка» — для навучання малодшых дзяцей плаванню. Таксама ў Палацы размешчаны трэнажорны і гульнявы залы, зала харэаграфіі, спецыялізаваныя спартыўныя залы сухога плавання. Абсталяваны дзве саўны, кафэ «Версаль» на 48 пасадачных месцаў. Працуе гасцініца «Акватэль» на 25 нумароў (86 месцаў).

Палац водных відаў спорту быў урачыста адкрыты 29 кастрычніка 2010 г. У цырымоніі адкрыцця прыняў удзел Прэзідэнт Рэспублікі Беларусь А. Р. Лукашэнка. У сваёй прамове ён сказаў: «Изучив проект, я согласился со строительством с одним условием, что оно будет строиться не шесть, а три года». Будаўнікі перадалі Прэзідэнту сімвалічны ключ ад Палаца, які Аляксандр Рыгоравіч уручыў маладым спартсменам. Адбыўся першы заплыў, старт якому даў двукратны алімпійскі чэмпіён (1980), заслужаны майстар спорту СССР Сяргей Каплякоў. Было паказана спартыўна-мастацкае прадстаўленне з удзелам нацыянальнай зборнай па сінхроннаму плаванню.

На базе Палаца паводле рашэння Брэсцкага аблвыканкама ад 20 ліпеня 2010 г. створаны абласны цэнтр алімпійскага рэзерва па водных відах спорту. У Цэнтры займаюцца 24 вучэбна-трэніровачныя групы, 5 груп спартыўнага ўдасканалення, 2 групы вышэйшага спартыўнага майстэрства. У Цэнтры займаецца майстар спорту міжнароднага класа, пяцікратная пераможца Першынства Еўропы, фіналістка Алімпійскіх гульняў у Токіа Анастасія Шкурдай.

Спецыялізаваныя спартыўныя класы па плаванню, воднаму пола і плаванню сінхроннаму адкрыты на базе СШ № 10, СШ № 13, СШ № 19 і СШ № 31 г. Брэста. У Палацы водных відаў спорту рэгулярна праводзяцца чэмпіянаты, рэспубліканскія і міжнародныя спаборніцтвы.

Палац належыць Дзяржаўнай спецыялізаванай вучэбна-спартыўнай установе «Брэсцкі абласны цэнтр алімпійскага рэзерву па водных відах спорту». Першым дырэктарам да лістапада 2021 г. быў Юрый Раманавіч Кучарук. Затым установу ўзначальвала Вольга Васільеўна Сцепусь. Цяпер дырэктар — Мікалай Аляксандравіч Хявук.

Палац водных відаў спорту за дзень наведваюць да 2500 чалавек. Гэта родная арэна для спартсменаў аддзяленняў плавання, плавання сінхроннага, скокаў у ваду, воднага пола і плавання-інваспорт. Сюды прыходзяць брэстаўчане, якія падтрымліваюць сябе ў форме, прыводзяць на заняткі дзяцей. Усё ўладкавана так, што гэта — цэнтр спорту і сямейнага адпачынку.

Матэрыял падрыхтаваны ў 2025 г.

Брэсцкай абласной бiблiятэкай iмя М. Горкага.

Сухапар У. В., загадчык сектара рэгіянальнай бiблiяграфii

1. Кучерук, Ю. Р. Брестский областной центр олимпийского резерва по водным видам спорта / Ю. Р. Кучерук // Брест. Брэст. Brest, 1000 : энциклопедия / сост. А. Н. Вабищевич. Минск, 2019. С. 317.
2. Панько, А. Д. «Акватель» / А. Д. Панько // Брест. Брэст. Brest, 1000 : энциклопедия / сост. А. Н. Вабищевич. Минск, 2019. С. 329.
3. Шукевич, Л. В. Характеристика и особенности показателей тотальных размеров тела пловцов высокой спортивной квалификации : [исследование на базе Дворца водных видов спорта г. Бреста] / Л. В. Шукевич, А. А. Зданевич, А. В. Ермолик // Вучоныя запіскі Брэсцкага ўніверсітэта. Брэст, 2013. Вып. 9, ч. 1. С. 158–165.
4. Свиридович, О. «Тренируюсь в Бресте» : [о встрече председателя Брестского облисполкома Ю. В. Шулейко со спортсменкой Анастасией Шкурдай] / Ольга Свиридович // Заря. 2024. 24 февраля. С. 2.
5. Гребенников, О. И кроль, и брасс, и баттерфляй : [в Брестском дворце водных видов спорта состоялась церемония открытия соревнований по плаванию в программе ІІ Игр стран СНГ] / Олег Гребенников // Заря. 2023. 12 августа. С. 7.
6. Комашко, Д. Плыви, Настя, плыви : [о пловчихе Анастасии Шкурдяй из Бреста по материлам беседы с тренером Ольгой Ясенович, отцом Евгением Шкурдяем и самой спортсменкой] / Дмитрий Комашко // Народная газета. 2020. 24 снежня (№ 52). С. 40–41.
7. Комашко, Д. Рекорд и компания : [о пловце Илье Шимановиче из Бреста, установившем мировой рекорд на дистанции 100 м брассом] / Дмитрий Комашко // Рэспубліка. 2020. 22 снежня. С. 18.
8. Ясяновіч, В. Вольга Ясяновіч: «Яны самі не ўяўляюць, як хутка могуць плаваць» : [трэнер па плаванню з Брэста пра сваю работу] / Вольга Ясяновіч ; [гутарыла] Дар’я Лабажэвіч // Звязда. 2020. 21 сакавіка. С. 12.
9. Кухарчук, Д. Растим чемпионов : [тренер-преподаватель Брестского областного центра олимпийского резерва по водным видам спорта Ольга Ясенович получила звание «Человек года»] / Дмитрий Кухарчук // Брестский вестник. 2020. 21 мая (№ 21). С. 1.
10. Шиферштейн, Д. Золото брестской выплавки : [о достижениях брестской пловчихи Анастасии Шкурдай] / Дмитрий Шиферштейн // Вечерний Брест. 2019. 13 декабря (№ 50). С. 6.
11. Кучерук, Ю. Р. Любить дело, которым занимаешься : [беседа с директором Дворца водных видов спорта о достижениях воспитанников и услугах, предоставляемых посетителям] / Юрий Романович Кучерук ; [беседовала] Марина Лазарчук // Брестский вестник. 2018. 5 января. С. 11.
12. Шиферштейн, Д. Брест принял вызов российской плавательной серии : [об итогах детского турнира по плаванию «Mad Wave Challenge. Belarus Open» во Дворце водных видов спорта] / Дмитрий Шиферштейн // Вечерний Брест. 2015. 4 ноября. С. 16.
13. Рубашевский, Ю. Заплыв в будущее : дворцу водных видов спорта – 5 лет / Юрий Рубашевский // Вечерний Брест. 2015. 30 октября. С. 7.
14. Шиферштейн, Д. Рекорд на брестской воде : [о соревнованиях по плаванию Кубка Республики Беларусь памяти Б. Сивицкого, проходящих во Дворце водных видов спорта] / Дмитрий Шиферштейн // Вечерний Брест. 2014. 31 января (№ 10). С. 12.
15. Свинчук, Е. Как рыбы в воде : [об итогах открытого чемпионата РБ по плаванию среди инвалидов по зрению и с нарушениями опорно-двигательного аппарата в брестском Дворце водных видов спорта] / Елена Свинчук // Вечерний Брест. 2013. 25 сентября. С. 3.
16. Пискур, Д. Третья победа дома : [в Бресте ІІІ открытое первенство Центра олимпийского резерва по водным видам спорта; водное поло] / Дмитрий Пискур // Брестский вестник. 2013. 5 июля (№ 27). С.21.
17. Левчук, А. По водной глади с мячом и с трамплина : [два международных турнира – по прыжкам в воду и водному поло – принимал Дворец водных видов спорта в Бресте] / Алесь Левчук // Брестский курьер. 2013. 3 июля (№ 27). С.29.
18. Шиферштейн, Д. Рекорды брестской выплавки : [итоги открытого чемпионата Беларуси по плаванию памяти А. А. Короленко во Дворце водных видов спорта] / Дмитрий Шиферштейн // Вечерний Брест. 2013. 8–10 мая. С. 9.
19. Мостов, А. Дворца заманчивые воды /Александр Мостов // Вечерний Брест. 2011. 29 июня. С. 4.
20. Ефимов, В. Приди сейчас, открой дверь и подружись с водой / Владимир Ефимов // Брестский вестник. 2010. 25 ноября.
21. Синявская, Е. Фабрика здоровья открыта : [с участием Президента Республики Беларусь А. Г. Лукашенко открыт Дворец водных видов спорта в Бресте] / Елена Синявская // Брестский вестник. 2010. 4 ноября. С. 2.
22. Лосич, П. На благо людей : [Президент Республики Беларусь А. Г. Лукашенко посетил 4-ю поликлинику г. Бреста, ул. Советскую и открытие Дворца водных видов спорта] / Павел Лосич // Заря. 2010. 2 ноября. С. 1, 4.
23. Волянюк, В. Власть делает всё возможное : [Президент Республики Беларусь А. Г. Лукашенко посетил 4-ю поликлинику г. Бреста, ул. Советскую и открытие Дворца водных видов спорта] / В. Волянюк // Советская Белоруссия. 2010. 30 октября. С. 1–2.
24. Кульбака, А. Дворец вывели на чистую воду / Александр Кульбака // Вечерний Брест. 2010. 20 октября. С. 1, 3.
25. Мотыкальский, М. Первый этап завершен : [о строительстве в Бресте Дворца водных видов спорта] / Максим Мотыкальский // Брестский вестник. 2009. 12 ноября.
26. Котович, А. Дворец водных видов спорта – трамплин для будущих чемпионов / А Котович // Архитектура и строительство: журнал. 2008. № 12. С. 34–37.
27. Карпинчик, В. Сосед ледового : [начато строительство Дворца водных видов спорта в Бресте] / Василий Карпинчик // Брестский вестник. 2008. 14 февраля. С. 1.
28. Шеламова, Т. Три бассейна с видом на реку : [о планах строительства в г. Бресте Дворца водных видов спорта] // Вечерний Брест. 2005. 16 ноября. С. 2.