Брэсцкая абласная дзіцячая бібліятэка была афіцыйна створана 1 студзеня 1961 года на базе аддзела абслугоўвання дзяцей Брэсцкай абласной бібліятэкі імя М. Горкага, якое з’явілася пры абанеменце ў 1945 годзе. З 1956 года загадчыцай дзіцячага аддзела была Клаўдзія Дзмітрыеўна Камісарава (Пятрэнка; 1922–2005), якая адпрацавала ў бібліятэцы больш за 40 гадоў. Яна выдатна ведала літаратуру, сфарміравала цудоўны фонд, трапятліва адносілася да кніг.