Пінск быў вызвалены ад нямецка-фашысцкіх захопнікаў 14 ліпеня 1944 г. У баях за горад загінулі больш за 200 савецкіх воінаў, маракоў і партызан. У гэты дзень на будынку былога абкама партыі быў узняты чырвоны флаг, а на адным з будынкаў каля Цэнтральнай плошчы — ваенна-марскі. Вечарам Масква салютавала доблесным войскам 1-га Беларускага фронту, якія вызвалілі абласны цэнтр, дваццацю залпамі 224 гармат.