Удзельнікі мерапрыемства адзначылі, што Міжнародны дзень роднай мовы — гэта свята, якое сімвалізуе ўзаемапаразуменне, дыялог, цярпенне і добрасуседства, а таксама гістарычную памяць. Было адзначана і тое, што менавіта пісьменнікі фарміруюць літаратурны стандарт і захоўваюць жывыя моўныя традыцыі. З беларускага боку выступілі пісьменнікі: Таццяна Дземідовіч, Васіль Барысюк, Ірына Морых. Рэгіянальную Астраханскую літаратуру прадставілі: Юрый Шчарбакоў, Аляксей Казанцаў, Віталь Тураеў, Алег Таланаў і інш.

Падчас размовы прагучалі ўзаемныя пераклады вершаў паэтаў Астраханскай і Брэсцкай вобласці, а таксама былі выкананы песні на пераклады вершаў беларускіх аўтараў. У выніку сустрэчы была дасягнута вусная дамоўленасць аб далейшым супрацоўніцтве ў галіне перакладаў мастацкіх твораў рускіх і беларускіх пісьменнікаў.