Супрацоўнікі бібліятэкі прадставілі прысутным кніжную экспазіцыю з фондаў установы, прысвечаную лаўрэатам прэміі за ўсе гады і сёлетнім намінантам. Трэба адзначыць, што на сённяшні дзень у абласной бібліятэцы захоўваецца самая поўная калекцыя намінаваных кніг, у тым ліку рэдкіх, малатыражных і з дароўнымі надпісамі. Прысутныя мелі магчымасць даведацца аб гісторыі стварэння ўнікальнай для першага рэгіёна прэміі, прасачыць яе развіццё па гадах і намінацыях, а таксама глыбей азнаёміцца з асобай Уладзіміра Калесніка, яго творчай і жыццёвай дзейнасцю.

Супрацоўнікі і чытачы Брэсцкай абласной бібліятэкі імя М. Горкага шчыра віншуюць новых лаўрэатаў прэміі — берасцейскіх паэтак Ніну Гарагляд, Аксану Валуй і Надзею Момлік з заслужанай перамогай і зычаць творчага натхнення і плёну!