Са школьных гадоў захаплялася паэзіяй, спрабавала пісаць вершы на беларускай і рускай мовах, займалася ў клубе юных журналістаў у Цэнтры творчасці дзяцей і моладзі «Маладзік». Свой першы верш напісала ў дзесяць гадоў, называўся ён «Мая Беларусь».

Адным з першых заўважаных вершаў таленавітай паэткі стаў верш «Мая гімназія», які яна прысвяціла роднай установе адукацыі. Гэты верш штогод гучыць у выкананні гімназістаў на ўрачыстым свяце «Прысвячэнне ў гімназісты». З’яўлялася членам літаратурнага аб’яднання «Узлёт», якім кіравала паэтка, член Саюза пісьменнікаў Беларусі Таіса Трафімава.

У 2004–2009 гг. Настасся Нарэйка вучылася ў Інстытуце журналістыкі БДУ па спецыяльнасці «Літаратурная работа. Журналістыка». Пасля заканчэння навучання па размеркаванні трапіла ў рэдакцыю камянецкай раённай газеты «Навіны Камянеччыны» (Брэсцкая вобласць). Працавала карэктарам, карэспандэнтам, загадчыкам аддзела пісьмаў і сацыяльных праблем.

Непаўторныя, багатыя на прыродную красу мясціны Белавежы прыйшліся ёй да душы, зачаравалі яе. І яна пасля абавязковай двухгадовай адпрацоўкі засталася тут працаваць надалей. У цяперашні час Настасся Нарэйка працуе адказным сакратаром газеты, вядучым спецыялістам па прапагандзе беларускай літаратуры Брэсцкага абласнога аддзялення Саюза пісьменнікаў Беларусі, з’яўляецца кіраўніком літаратурнага клуба «Жарынка».

Вершы і апавяданні Настассі Нарэйкі друкаваліся ў газетах «Раніца», «Маладзечанская газета», «Заря», «Звязда», «Літаратура і мастацтва», часопісах «Куфэрак Віленшчыны», «Маладосць», «Полымя», «Вожык», «Бярозка», «Вясёлка», «Першацвет». У 2013 г. выдала сваю кнігу паэзіі «Магдэбургскае права маёй душы», за якую ў 2017 г. атрымала літаратурную прэмію імя У. А. Калесніка ў намінацыі «Паэзія». З 2014 г. — член Саюза пісьменнікаў Беларусі.

Як цікавая, самавітая паэтка выступае Настасся Нарэйка ў калектыўных зборніках: «Сила слабости» (2013), «Кахаць і верыць» (2013), «ЛітАўра» (2014), «Там, дзе Уша серабрыцца… Маладзечаншчына літаратурная» (2015), «Берасцейская скарбніца» (2018).

У паэтычных творах Настассі Нарэйкі адчуваюцца яе трапяткія і глыбокія адносіны да жыцця, чалавека, прыроды, філасофскі погляд на жыццёвыя акалічнасці. Пранікнёна і пяшчотна гучаць яе паэтычныя радкі, кранаюць сэрца аповеды пра родную старонку. Душэўная цеплыня і шчырасць паэткі захапляюць, зачароўваюць неверагоднай прыгажосцю беларускай мовы, арыгінальнасцю вобразаў і драматычнай лірычнасцю твораў.

Аўтар вылучаецца нетрывіяльнымі думкамі, шчырасцю, назіральнасцю, жыццёвай праўдай. Вершы «дыхаюць», вылучаюць цяпло, перад вачамі паўстаюць багатыя на прыродную красу мясціны Белавежы. Словы нібыта нетаропка плывуць з глыбінь стагоддзяў, дзе жыве нязломны дух продкаў, вернасць і любоў да Бацькаўшчыны.

Вершы Настассі Нарэйкі не прабяжыш мімалётна, пераскокваючы праз радкі, іх не адолееш з той лёгкасцю, якая падпадае пад традыцыйнае меркаванне «жаночая паэзія». Вершы гэтай аўтаркі патрабуюць удумлівага пранікнення ў кожны радок, працы душы і сэрца.

Матэрыял падрыхтаваны ў 2021 г. Камянецкай цэнтральнай раённай бібліятэкай імя У. М. Ігнатоўскага. Табольчык Ларыса Мікалаеўна,

бібліёграф I кат. аддзела абслугоўвання і інфармацыі

Творы Н. М. Нарэйкі

1. Магдэбургскае права маёй душы : вершы / Настасся Нарэйка ; [прадмова М. Чарняўскага]. – Брэст : Брэсцкая друкарня, 2013. – 108 с.
2. «Ты сядзеш насупраць...» ; «Ты можаш...» ; Сёмы яблык ; Мой чорны абеліск ; «Голыя галіны...» : [вершы] / Настасся Нарэйка // Берасцейская скарбніца : альманах. Брэст, 2018. Вып. 1. С. 19–27.
3. «Сняжынкі разбіваюцца аб шкло...» ; «Скідай вярыгі...» ; «А я, здаецца...» : [вершы] / Настасся Нарэйка // Літаратурная прастора Брэстчыны. Брэст, 2018. С. 240–243.
4. «Вароны крычаць...»; «Здранцвелыя шыбы распісаны белым...» ; «Векапомныя дні» ; «Падначалены мне...» ; «Я — прадмова твая...» : [вершы] / Настасся Нарэйка // Маладосць. 2021. № 9. С. 21–24.
5. Захаваю да скону : вершы / Настасся Нарэйка // Полымя. 2021. № 7. С. 90–94.
6. «Паварот залатога ключа...» ; «Сёння мы з табой...» ; «Пры вераснёвым вогнішчы адвечным...» ; «Не пішацца дзённік...» : [вершы] / Настасся Нарэйка // Літаратура і мастацтва. 2021. 11 чэрвеня (№ 23). С. 8.
7. «Ты была немагчымай, Прага...»; «Яны, як прыйшлі...» : [вершы] / Настасся Нарэйка // Літаратура і мастацтва. 2021. 14 мая (№ 19). С. 8.
8. «Я думала, што Так бывае толькі ў кнігах...» ; «Перад імі схіляюць галовы...» ; «Не дазваляйце мне пайсці...» ; «Не глядзі на лісты, што пісаў мне не ты...» : [вершы] / Настасся Нарэйка // Заря. 2021. 27 февраля. С. 17.
9. Жывая зброя неадольнай сілы : [цыкл вершаў] / Настасся Нарэйка // Літаратура і мастацтва. 2020. 4 снежня (№ 46). С. 8.
10. Я — Ева твая... : [цыкл вершаў] / Настасся Нарэйка // Маладосць. 2020. № 11. С. 38–42.
11. «Каханнем сваім ува мне ты народзіш паэта» : [вершы] / Настасся Нарэйка // Літаратура і мастацтва. 2020. 12 чэрвеня (№ 22). С. 8.
12. «Я засынаю, седзячы над кнігай...» : верш / Настасся Нарэйка // Літаратура і мастацтва. 2020. 17 красавіка (№ 15). С. 13.
13. Да скону : апавяданне / Настасся Нарэйка // Літаратура і мастацтва. 2019. 20 верасня (№ 37). С. 9.
14. Светлячок : апавяданне / Настасся Нарэйка // Маладосць. 2019. № 6. С. 21–23.
15. «Я заўтра растану, а сёння люблю...»; «Прыгожая пані...» ; «Якая паскудная кава! Інакшай няма...» ; «Ты спакойна сядзіш у фатэлі...» : вершы / Настасся Нарэйка // Маладосць. 2019. № 5. С. 37–39.
16. «На рацэ — крыгаход...»; «У садзе вільготным...» : [вершы] / Настасся Нарэйка // Літаратура і мастацтва. 2019. 31 мая (№ 21). С. 8.
17. «Я сказала тады...»; «Паварот залатога ключа...» ; «Залатыя агні...» ; «Нашто я тут...» : [вершы] / Настасся Нарэйка // Заря. 2019. 5 января. С. 15.
18. Кахаеш, як жывеш : вершы / Настасся Нарэйка // Полымя. 2018. № 10. С. 86–89.
19. Максіму : [вершы, прысвечаныя Максіму Багдановічу] / Настасся Нарэйка // Літаратура і мастацтва. 2018. 7 снежня (№ 48). С. 8.
20. Празрысты свет ; Будзе дождж! ; Мама вучыла дзяўчынку ; Яны сказалі мне : [вершы] / Настасся Нарэйка // Заря. 2018. 1 сентября. С. 8.
21. Мой чорны абеліск ; «Мой абветраны сад...» ; «Голыя галіны...» : [вершы] / Настасся Нарэйка // Літаратура і мастацтва. 2018. 15 чэрвеня (№ 23). С. 8.
22. Ля Брацкай магілы : [вершы] / Настасся Нарэйка // Навіны Камянеччыны. 2018. 5 мая (№ 18). С. 8.
23. Імем Беларусі ; Яны гаварылі: «Ідзі!» : [вершы] / Настасся Нарэйка // Навіны Камянеччыны. 2018. 17 сакавіка (№ 11). С. 19.
24. Ты сядзеш насупраць ; «Ты можаш...» ; Сёмы яблык : [вершы] / Настасся Нарэйка // Літаратура і мастацтва. 2018. 16 сакавіка (№ 10). С. 8.
25. «У мяне была свая дарога...»; «Пад вечар пастаўлю свяцільню...» ; Празрысты свет : [вершы] / Настасся Нарэйка // Заря. 2018. 6 января. С. 13.
26. Маленькая скрыпачка : апавяданне / Настасся Нарэйка // Літаратура і мастацтва. 2017. 29 снежня (№ 52). С. 10.
27. Гарачыя кветкі кастроў : вершы / Настасся Нарэйка // Маладосць. 2017. № 10. С. 44–46.
28. «Пры верасневым вогнішчы...»; «Бо ніхто не апошні...» ; «Белыя прыступкі прывялі да мора...» ; «Ты прыходзіш позна...» : [вершы] / Настасся Нарэйка // Заря. 2017. 31 августа. С. 18.
29. «Рукі пахлі кменам...»; «Лета даспела ранеткамі...» ; «Сёння мы з табой...» : [вершы] / Настасся Нарэйка // Навіны Камянеччыны. 2017. 29 ліпеня (№ 30). С. 9.
30. Вогненная кветка : апавяданне / Настасся Нарэйка // Літаратура і мастацтва. 2017. 23 чэрвеня (№ 25). С. 9.
31. «Я знаю, адкуль ты ідзеш...»; «Я помню цябе такім...» ; «Гэты дом, калінаю зарослы...» : [вершы] / Настасся Нарэйка // Навіны Камянеччыны. 2017. 22 красавіка (№ 16). С. 19.
32. Вазьмі сваю свяцільню... : калядная казка / Настасся Нарэйка // Навіны Камянеччыны. 2017. 14 студзеня (№ 2). С. 20.
33. Калыханка для матулі ; Дзяцінства ; Добры вам дзень! : [вершы] / Настасся Нарэйка // Заря. 2016. 26 ноября. С. 10.
34. На чорных крылах цягнікоў начных : [апавяданне] / Настасся Нарэйка // Літаратура і мастацтва. 2016. 30 верасня (№ 39). С. 9.
35. Анёл, які ледзь не застаўся без крылаў : апавяданне / Настасся Нарэйка // Літаратура і мастацтва. 2016. 6 студзеня (№ 1). С. 5.
36. Проста падае снег : апавяданне / Настасся Нарэйка // Звязда. 2016. 5 студзеня. С. 6.
37. Навагоднія суніцы : казка / Настасся Нарэйка // Навіны Камянеччыны. 2016. 2 студзеня (№ 1). С. 20.
38. Проста падае снег ; Падмануць Бога : апавяданні / Настасся Нарэйка // Маладосць. 2016. № 11. С. 17–23.
39. «Шкляныя дажджы»; «За намі ніхто не прыйдзе...» : [вершы] / Настасся Нарэйка // Заря. 2016. 28 января. С. 8.
40. Сукенка для прынцэсы : апавяданне / Настасся Нарэйка // Маладосць. 2015. № 12. С. 46–48.
41. Ні ўчора, ні сёння... ніколі : апавяданне / Настасся Нарэйка // Маладосць. 2015. № 11. С. 46–50.
42. Лісты не гараць : [апавяданне] / Настасся Нарэйка // Навіны Камянеччыны. 2015. 28 лістапада. С. 21.
43. Толькі верас, аер і палын... : вершы / Настасся Нарэйка // Маладосць. 2015. № 10. С. 14–17.
44. Вершы / Настасся Нарэйка // Заря. 2015. 30 июля. С. 17.
45. Бласлаўляю свой верш на далёкі палёт : вершы / Настасся Нарэйка // Маладосць. 2015. № 4. С. 69–71.

Аб жыцці і творчасці Н. М. Нарэйкі

1. Нарэйка Настасся Мікалаеўна // Творчы партрэт пісьменніцкай суполкі : біябібліяграфічны даведнік Брэсцкага абласнога аддзялення Саюза пісьменнікаў Беларусі. Брэст, 2018. С. 133–134.
2. Чарняўскі, М. «Я такая, як ёсць...» : [аб творчасці Н. Нарэйкі] / Мікола Чарняўскі // Магдэбургскае права маёй душы : вершы / Настасся Нарэйка. Брэст, 2013. С. 3–12.
3. Нарэйка, Н. Калі хобі падказвае сюжэты / Настасся Нарэйка ; гутарыла Таша Шпакоўская // Літаратура і мастацтва. 2021. 3 снежня (№ 48). С. 16.
4. Нарэйка, Н. Пяць гадоў плёну і натхнення / Настасся Нарэйка // Заря. 2021. 23 октября. С. 16.
5. Дземідовіч, Т. Шчодрая скарбніца творчай душы / Таццяна Дземідовіч // Навіны Камянеччыны. 2021. 2 студзеня (№ 1). С. 16–17.
6. Мазурук, І. Сустрэча з пісьменнікам / Іван Мазурук // Навіны Камянеччыны. 2018. 27 кастрычніка (№ 43). С. 20.
7. Будовіч-Барадуля, Т. Самы неверагодны цуд : [пра апавяданне Настассі Нарэйкі «Навагоднія суніцы»] / Таццяна Будовіч-Барадуля // Літаратура і мастацтва. 2018. 12 студзеня (№ 2). С. 6.
8. Трацюк, Д. Прэмія Калесніка ў нашай Настассі! / Дзяніс Трацюк // Навіны Камянеччыны. 2017. 30 верасня (№ 39). С. 22.
9. Нарэйка, Н. «Я крочу па часе, нібы па вадзе…» / [Настасся Нарэйка ; гутарыла] Дар’я Свірыда // Рэспубліка. 2015. 23 ліпеня.
10. Прынятыя ў СПБ : Настасся Мікалаеўна Нарэйка // Літаратура і мастацтва. 2014. 24 снежня (№ 51). С. 2.
11. Крэйдзіч, А. У Саюзе — новыя імёны : [Настасся Нарэйка] / Анатоль Крэйдзіч // Заря. 2014. 18 декабря. С. 18.
12. Парчук, Н. М. «Я такая як ёсць...» : [пра кнігу вершаў Н. Нарэйкі «Магдэбургскае права маёй душы»] / Надзея Парчук // Навіны Камянеччыны. 2014. 26 ліпеня. С. 23.