Па заканчэнні ВНУ Вячаслаў Семакоў па яго просьбе быў накіраваны на Камчатку, дзе працаваў на сельскагаспадарчай вопытнай станцыі. Па спецыяльнасці быў вучоным-аграномам, спецыялізаваўся па насякомым. У 1968 г. абараніў кандыдацкую дысертацыю «Главнейшие вредители крестоцветных культур Камчатки и методы борьбы с ними». Стварыў новы кірунак у ахове раслін – выкарыстанне мікраскапічных водарасцей у барацьбе са шкоднымі насякомымі, за які атрымаў 10 аўтарскіх пасведчанняў.

У 1971–1974 гг. В. В. Семакоў працаваў вучоным сакратаром Усерасійскага навукова-даследчага інстытута абароны раслін у Варонежскай вобласці. Прымаў удзел у экспедыцыях па Сібіры. У 1974 г. заняў пасаду старшага навуковага супрацоўніка ва Усесаюзным навукова-даследчым інстытуце сельскагаспадарчай мікрабіялогіі (Ленінград). У 1982–1989 гг. працаваў на Паміры – у Памірскім біялагічным інстытуце Таджыкскай акадэміі навук.

У 1989 г. В. В. Семакоў прыйшоў на пасаду старшага навуковага супацоўніка Дзяржаўнай запаведна-паляўнічай гаспадаркі «Белавежская пушча». Затым працаваў вучоным сакратаром, дырэктарам музея прыроды, намеснікам дырэктара па навукова-даследчай рабоце – да 1998 г. Дваццаць гадоў (1989–2009) свайго яркага, насычанага жыцця прысвяціў вывучэнню і прапагандзе ідэй аховы прыроды і ўнікальнага прыроднага кутка Беларусі – Белавежскай пушчы. Быў ініцыятарам вылучэння пушчы на прысваенне статуса Сусветнай прыроднай спадчыны чалавецтва (1992) і атрыманне прэстыжнага Дыплома Савета Еўропы вышэйшай катэгорыі (1997).

Аўтар больш за 100 навуковых артыкулаў, якія апублікаваны ў Беларусі, Расіі, США, Германіі, Індыі, Францыі, Польшчы. Шмат аддаваў часу арганізацыі работы Музея прыроды, папаўненню яго калекцыі і афармленню экспазіцый. Распрацаваў першыя турыстычныя маршруты і экалагічныя сцежкі па пушчы, падрыхтаваў іх апісанні і экскурсіі. Вёў вялікую асветніцкую работу на старонках газет і часопісаў, займаўся краяўнаўствам.

Напісаў шэраг кніг аб прыродзе і гісторыі Белавежскай пушчы. Самая вядомая з іх – «Беловежская пуща, 1902–2002», якая ў 2003 г. стала пераможцай расійскага літаратурнага конкурсу імя Э. Ф. Валодзіна і адзначана прэміяй «Імперская культура». За вялікі ўклад у папулярызацыю гістарычнай спадчыны Белавежскай пушчы В. В. Семакоў узнагароджаны медалём Францыска Скарыны (2008).

Таленавіты, эрудзіраваны чалавек, ведаў літаратуру, культуру, мастацтва. У жыцці Вячаслаў Васільевіч быў простым і даступным чалавекам, таварыскім і багатым ідэямі, якімі шчодра дзяліўся. Побач з ім заўсёды было лёгка, весела, спакойна і цікава. Галоўнымі рысамі яго жыцця заставаліся людскасць і прыстойнасць, нераўнадушша да людзей з іх бедамі і клопатамі. Пасля выхаду на пенсію Вячаслаў Васільевіч працягваў працаваць пазаштатным экскурсаводам. Па прапанове дырэктара М. М. Бамбізы стаў першым беларускім Дзедам Марозам у казачным маёнтку, які быў пабудаваны ў Белавежскай пушчы восенню 2003 г.

В. В. Семакоў пасля цяжкой хваробы памёр 5 ліпеня 2009 г.

Матэрыял падрыхтаваны ў 2023 г. Брэсцкай абласной бiблiятэкай iмя М. Горкага. Сухапар Уладзiмiр Васiльевiч, гал. бiблiёграф аддзела краязнаўства

Працы В. В. Семакова

1. Были и легенды Беловежской пущи / В. В. Семаков. – Брест : Альтернатива, 2014. – 238, [1] с. : ил.
2. Беловежская пуща / В. В. Семаков. – Минск : Беларусь, 2011. – 286, [2] с. : ил.
3. Мечта о первобытном лесе / Вячеслав Семаков, Валерий Риппергер ; [перевела с немецкого Л. Г. Коваль]. – Брест : Альтернатива, 2009. – 367, [1] с. : ил.
4. Дед Мороз и его родня : очерки / В. Семаков, Н. Бамбиза. – Минск : Мастацкая лiтаратура, 2008. – 79 с. : ил.
5. Беловежская пуща : страницы истории / В. В. Семаков, Н. Д. Черкас. – Брест : Альтернатива, 2007. – 99, [1] c., [4] л. цв. ил.
6. Зубрик живет в Беловежской пуще : [науч.-попул. очерк для детей] / В. В. Семаков. – Брест: Академия, 2006. – 37с. : ил.
7. Беловежская пуща, 1902–2002 / В. В. Семаков. – Минск : Ураджай, 2002. – 230, [1] с. : ил.
8. Беловежская пуща : краткий исторический очерк / В. В. Семаков, Н. Д. Черкас. – Брест : Брестская типография, 2001. – 67 с. : ил.
9. З гісторыі ляснога запаведніка / В. Семакоў // Памяць. Камянецкі раён : гіст.-дакум. хроніка. Мінск, 1997. С. 48–58.
10. Белавежская пушча / В. В. Семакоў // Беларуская энцыклапедыя : у 18 т. Мінск, 1996. Т. 2. С. 379–380.
11. Кто спас Рожковку... Это история похожа на легенду, но она – истинная правда / Вячеслав Семаков // Заря. 2009. 17 сентября. С. 18.
12. В юбилейный год – с новым гербом и флагом : [о символике Беловежской пущи] / Вячеслав Семаков // Заря. 2009. 4 июня. С. 17.
13. Национальное достояние : под сенью герба и флага / Вячеслав Семаков // Белорусская лесная газета. 2009. 28 мая. С. 4.
14. Языческие корни заповедного леса : [быт, обычаи и обряды древних жителей Беловежской пущи] / Вячеслав Семаков // Заря. 2009. 19 февраля. С. 18.
15. Главный лес Европы : [о Беловежской пуще] / Вячеслав Семаков //  Экалогiя. 2009. № 1. C. 6–11.
16. Беловежская «ссылка» Андрея Вознесенского / Вячеслав Семаков // Белорусская лесная газета. 2008. 17 ліпеня (№ 29). С. 8.
17. Пуща медовая : [история бортничества на Брестчине (1529-1893)] / Вячнслав Семаков // Заря. 2007. 27 января. С. 11
18. Помните, где живет сказка, или Всё ли может Дед Мороз? / Вячеслав Семаков // Заря. 2004. 27 марта. С. 4.
19. Вискулёвские тайны : как это было / Вячеслав Семаков // Заря. 2001. 4 декабря ; 6 декабря ; 8 декабря.
20. Пуща в период первой мировой войны / Вячеслав Семаков // Заря. 2000. 5 февраля.

Аб жыцці і дзейнасці В. В. Семакова

1. Семаков Вячеслав Васильевич // Кто есть кто. Деловой мир СНГ. Минск, 2002. Вып. 2. С. 343.
2. Семакоў, В. В. Семакоў Вячаслаў Васільевіч / В. В. Семакоў ; [гутарыла] Валянціна Стэльмах // Беларусь у асобах / Валянціна Стэльмах. Мінск, 2011. С. 150–153.
3. Яскевич, С. От Камчатки до Беловежья : [о биологе В. В. Семакове из Беловежской пущи] / Светлана Яскевич // Звязда. 2020. 15 снежня. С. 7. (Союз Евразия ; № 24).
4. Мерзленко, М. Д. К 75-летию со дня рождения Вячеслава Васильевича Семакова (1938–2009) / М. Д. Мерзленко, А. В. Денгубенко, П. Г. Мельник // Лесной вестник. 2014. № 1. С. 180–183.
5. Лепешко, Б. Толковая немецкая правда : [о книге «Мечта о первобытном лесе» Вячеслава Семакова и Валерия Риппергера] // Вечерний Брест. 2009. 6 ноября. С. 6.
6. Ковалев, Ф. Пущанский летописец : [о биологе В. В. Семакове] / Филипп Ковалев // Заря. 2009. 16 июля. С. 16.
7. Семаков Вячеслав Васильевич : [некролог] / коллектив Брестской областной газеты «Заря» // Заря. 2009. 11 июля. С. 7.
8. Семаков, В. В. Ученый и сказочник / Вячеслав Васильевич Семаков ; беседовал Пётр Сутько // Заря. 2008. 27 ноября. С. 6.
9. Поздравляем! : [бывший заместитель генерального директора «Беловежской пущи» В. Семаков награжден медалью Франциска Скорины] // Заря. 2008. 25 октября. С. 2.
10. Шиманский, М. Особенности охоты в Беловежской пуще : [о книге В. Семакова «Беловежская пуща»] / Михаил Шиманский // Рэспублiка. 2004. 10 лютага. С. 7.
11. Кочеткова, И. Беловежская пуща: два взгляда с разницей в сто лет : [о переиздании книги Г. П. Карцева «Беловеж. пуща:1382 – 1902» и книге В. В. Семакова «Беловежская пуща» // Крынiца. 2003. № 3. C. 93–96.
12. Лесавiк, Р. Прэзентацыя кнiгi В. Семакова : [аб прэзентацыi кнiгi «Белавежская пушча: 1902–2002» у Камянецкай цэнтральнай раённай бібліятэцы] / Р. Лесавiк // Навiны Камянеччыны. 2002. 7 снежня.
13. Климец, М. «Беловежская пуща» : [о презентации книги В. Семакова «Беловежская пуща»] / М. Климец // Заря. 2002. 13 июля. С. 5.
14. Семаков, В. В. Родниковая правда Беловежской пущи / В. В. Семаков ; записал А. Макаров // Во славу Родины. 2001. 24 августа. C. 4.