У 1974 годзе Анатоль Сакалоў закончыў Мінскае мастацкае вучылішча імя Л. К. Глебава, у 1985 годзе – Беларускі тэатральна-мастацкі інстытут, вучыўся ў прафесара Гаўрылы Вашчанкі (1928–2014). Працуе ў станкавым і манументальна-дэкаратыўным жывапісе. З 1984 года ўдзельнічае ў мастацкіх выставах.
Анатоль Пятровіч жыве ў Брэсце, з 1986 года працаваў у камбінаце “Мастацтва”, выкладаў малюнак у Брэсцкiм дзяржаўным тэхнiчным унiверсiтэце.
Асноўныя творы А. Сакалова: энкаўстыка “Нацюрморт” у Брэсцкім ГПТВ № 26, вітраж “Хлеб” у Брэсцкай раённай бальніцы, мазаіка фрыз у Брэсцкім ЗАГСе, роспіс у паліклініцы МУС г. Брэста, сграфіта ў Пінскай гарадской бібліятэцы, жывапісныя палотны “Лістапад”, “Апошні снег”, “Ружы”.
Член Беларускага саюза мастакоў з 1994 года.
Творы Анатоля Сакалова знаходзяцца ў Брэсцкім абласным краязнаўчым музеі і прыватных калекцыях. У пастаяннай экспазіцыі Брэсцкага мастацкага музея дэмаструецца твор А. Сакалова “Партрэт маладога чалавека”.
Матэрыял падрыхтаваны ў 2014 г. Брэсцкай абласной бiблiятэкай iмя М. Горкага. Сухапар Уладзiмiр Васiльевiч, гал. бiблiёграф аддзела краязнаўчай лiтаратуры i бiблiяграфii
1. Анатоль Сакалоў : [“Сакавік”] // Мастакі Брэстчыны : альбом-каталог. Брэст, 2010. С. 110–111.
2. Анатолий Соколов : [«Несущий раненую птицу»] // Художники Брестчины : альбом-каталог. Минск : А. Климов, 2001. С. 110–111.
3. Сакалоў Анатоль Пятровіч : [вітраж у паліклініцы г. Брэста] // Беларускі саюз мастакоў. 1938–1998 : энцыклапедычны даведнік. Мінск, 1998. С. 478.
4. Анатолий Соколов : [витраж в поликлинике г. Бреста] // Художники Брестчины : альбом-каталог. Минск : Хелмон, 1997. С. 88–89.