Пастановай Савета Міністраў БССР ад 28 лістапада 1948 года праектная кантора была ператворана ў філіял Беларускага дзяржаўнага праектнага інстытута «Белдзяржпраект» Міністэрства камунальнай гаспадаркі БССР. У 1959 годзе філіял быў перададзены ў вядзенне Брэсцкага аблвыканкама і стаў называцца «Брэсцкая абласная кантора па праектаванню сельскага і гарадскога будаўніцтва» («Аблпраект»).

У 1966 годзе «Аблпраект» быў перададзены ў вядзенне Беларускага дзяржаўнага праектнага інстытута «Белдзяржпраект» і атрымаў назву «Брэсцкія абласныя праектныя майстэрні». Функцыі майстэрняў засталіся ранейшымі. Майстэрні мелі структуру: архітэктурна-канструктарскі, архітэктурна-планавы, выдавецкі і дарожна-пошукавы аддзел, геалагічны сектар, планавы аддзел. Брэсцкім майстэрням непасрэдна быў падпарадкаваны Баранавіцкі архітэктурна-канструктарскі аддзел, які не меў самастойнага балансу.

У 1969 годзе Брэсцкія праектныя майстэрні «Белдзяржпраект» перайменаваны ў Брэсцкі філіял інстытута «Белдзяржпраект». У структуры філіяла былі тры майстрэрні, адна з іх – у г. Баранавічы. Па праектах брэсцкай арганізацыі ў 1960-я гады быў пабудаваны цэлы шэраг будынкаў, якія фарміруюць аблічча абласнога цэнтра: гасцініца і рэстаран «Буг», універмаг, кінатэатры «Мір» і «Летні», кафэ «Маладзёжнае», вышынныя дамы на вул. Маскоўскай і Набярэжнай і інш., мікрараёны «Усход-1», «Усход-2» «Усход-3». Распрацавана і ўкаранёна тэхналагічная лінія аўтаматызаванага праектавання нулявога цыклу, якая не мела аналагаў у краіне і была адзначана медалямі ВДНГ СССР.

Брэсцкі абласны праектны інстытут па комплексным праектаванні аб’ектаў жыллёва-грамадзянскага прызначэння «Брэстграмадпраект» быў утвораны ў адпаведнасці з пастановай Савета Міністраў БССР ад 26 снежня 1974 года. Структура інстытута «Брэстграмадпраект» была наступнай: чатыры архітэктурна-канструктарскіх майстэрні (адна з іх у г. Баранавічы), аддзел каштарысаў і праектаў арганізацыі будаўніцтва, аддзел аўтаматызацыі праектавання, аддзел інжынерных пошукаў, аддзел механізацыі праектных работ і выпуску праектаў, група падрыхтоўкі праектавання, тэхнічны аддзел, планава-вытворчы аддзел.

Рост прафесіяналізму дазволіў спецыялістам стварыць новыя арыгінальныя кампазіцыйныя праектныя рашэнні мікрараёнаў «Усход-4» і «Усход-5». Многія працы інстытута, такія як Паўднёвы мікрараён, кінатэатр «Беларусь», ФАК, аэравакзальны комплекс, жылыя дамы ў ВМР-3 Брэста, інтэр’ер вялікай залы рэстарана «Брэсцкае піва» і многія іншыя, адзначаны дыпломамі і прэміямі. У 1990-я гады вялося праектаванне шэрагу аб’ектаў на тэрыторыі СЭЗ.

1 студзеня 1997 года абласны праектны інстытут ператвораны ў адкрытае акцыянернае таварыства «Інстытут комплекснага праектавання аб’ектаў будаўніцтва» г. Брэст (ААТ «Брэстпраект»). З 1 ліпеня 2005 года на базе архітэктурна-канструктарскай майстэрні № 3 у г. Баранавічы створаны Баранавіцкі філіял ААТ «Брэстпраект».

У цяперашні час ААТ «Брэстпраект» мае наступную структуру: два архітэктурна-канструктарскіх аддзелы, інжынерны сектар, аддзел каштарысаўі праектаў арганізацыі будаўніцтва, аддзел інжынерных пошукаў, тэхнічны аддзел (у склад якога ўваходзіць сектар аўтаматызацыі праектавання і тэхнічны архіў), планава-вытворчы аддзел, аддзел падрыхтоўкі дагавароў, аддзел выпуску, аддзел інжынерных паслуг у будаўніцтве, кадравая служба, юрыдычная служба, сектар кіравання якасцю, бухгалтэрыя, гаспадарчы аддзел. Асноўныя напрамкі дзейнасці – праектаванне аб’ектаў сацыяльнага прызначэння, а таксама мікрараёнаў, кварталаў, жылых пабудоў.

Сёння ААТ «Брэстпраект» можа выконваць нават тыя праектныя працы, якія да нядаўняга часу былі прыярытэтам толькі інстытута «БелНІІП градабудаўніцтва». Брэсцкія спецыялісты распрацавалі праектна-каштарыснуюдакументацыю на дэталёвую планіроўку паўднёва-заходняга раёна Брэста, тэрмінал у Казловічах, санаторый «Белая Вежа», комплекс будынкаў Палескага ўніверсітэта ў Пінску, брэсцкі спартыўны комплекс «Вікторыя», на рэканструкцыю стадыёна «Дынама», вяслярную базу з каналам, Палац водных відаў спорту. Прадпрыемствам распрацаваны праекты рэканструкцыі і мадэрнізацыі акушэрскага корпуса, школы алімпійскага рэзерва ў Брэсце, лядовых арэн у Бярозе і Кобрыне, аквапарку ў Кобрыне, міжнароднага маладзёжнага цэнтра ратавальнікаў-пажарных «Еўрарэгіён-Буг» і г. д.

Арганізацыі, адной з найстарэйшых праектных у Беларусі, прысвоена вышэйшая ўзнагарода «Крыштальная цэгла» ў міжнародным конкурсе за найлепшую інвестыцыю ў будаўніцтве «Еўрарэгіён-Буг» (2008, Люблін), у рэспубліканскім конкурсе лепшых архітэктурных твораў – 2-я прэмія за праект «Цэнтр вяслярных відаў спорту ў г. Брэст» (2007).

У «Брэстпраекце» працуюць 570 чалавек. У розныя часы працавалі архітэктары Усевалад Іванавіч Ізергін, Роза Мікалаеўна Лесь, Тамара Антонаўна Перасадзька, Генадзь Пятровіч Чысцякоў, Зінаіда Мікалаеўна Леўчанка, Віктар Васільевіч Арсеньеў, Марат Сімонавіч Такоеў і інш. У Баранавіцкім філіяле: Адольф Іванавіч Макараў, Анатоль Рыгоравіч Марэніч і інш. Узначальваюць калектыў дырэктар Алег Станіслававіч Хрушч і яго намеснік Васілій Якаўлевіч Самцоў, акадэмік Беларускай інжынернай акадэміі.

Матэрыял падрыхтаваны ў 2015 г. Брэсцкай цэнтральнай гарадской бібліятэкай імя А. С. Пушкіна. Юркевіч Жанна Валер’еўна, загадчыца інфармацыйна-бібліяграфічнага аддзела

1. Брестпроект / В. Я. Самцов // Регионы Беларуси : энциклопедия : в 7 т. Минск,2009. Т. 1, кн. 1. С. 141.

2. Брестгражданпроект // Брест : энцикл. справочник. Минск, 1987. С. 102–103.

3. Брэстграмадзянпраект / М. С. Такоеў // Энцыклапедыя літаратуры і мастацтва Беларусі : у 5 т. Мінск, 1984. Т. 1. С. 481–482.

4. Институт комплексного проектирования объектов строительства ОАО «Брестпроект». Барановичский филиал : 60 лет / сост. и отв. за вып. К. П. Козловский. – Барановичи : Барановичская укруп. типография, 2006. – 64 с. : ил.

5. Градостроительство Белоруссии : [монография] / В. И. Аникин, Е. Л. Заславский, И. А. Иодо [и др.]. – Минск : Вышэйшая школа, 1988. – 247 с. : ил. – Из содерж.: Брест. – С. 151–158.

6. Борщевский, Н. ОАО «Брестпроект» исполнилось 70 лет / Николай Борщевский // Вечерний Брест. 2015. 11 декабря. С. 3.

7. Карпинчик, В. Василий Самцов: о времени и о себе : [трудовая биография заместителя директора ОАО «Брестпроект»] / Василий Карпинчик // Брестский вестник. 2015. 8 января (№ 2). С. 24.

8. Шеламова, Т. Кризис «золотого возраста» : [о финансовых и кадровых проблемах в ОАО «Брестпроект»] / Татьяна Шеламова // Вечерний Брест. 2013. 26 июня. С. 1, 8.

9. Дмитриева, Л. Яркий след на земле оставляют специалисты ОАО «Брестпроект» / Л. Дмитриева // Вечерний Брест. 2007. 10 августа. С. 5.

10. Селивоник, Л. Эхо безвременья : Почему проектировщики не поспевают за заданными темпами строительства? : [на вопрос отвечает исполняющий обязанности директора ОАО «Брестпроект»] / Леонид Иванович Селивончик ; беседовала А. Хокимова // Вечерний Брест. 2006. 29 сентября. С. 7.

11. Открытому акционерному обществу «Брестпроект» – 60 лет! : С юбилеем, творцы прекрасного! / подготовила Лара Илларионова ; Самцов, В. Я. «Выдержать линию движения» / Василий Яковлевич Самцов ; беседовала Л. Илларионова // Вечерний Брест. 2005. 9 декабря. С. 5.

12. Андреюк, А. Зодчество Бреста : Годы поисков и решений : [о Брестской областной организации Белорусского союза архитекторов] / Алексей Андреюк, Александр Микрюков // Брестский курьер. 2005. № 28. С. 29.

13. Слободич, И. Облик современного города создаёт «Брестпроект» / И. Слободич // Комсомольская правда в Белоруссии. 2004. 27 июля. С. 21.