Беларускі народ не мірыўся са сваім паднявольным становішчам, з акупацыяй Заходняй Беларусі і падзелам сваёй радзімы. На працягу доўгіх дваццаці гадоў ён вёў барацьбу за сацыяльнае і нацыянальнае вызваленне. У кастрычніку 1923 года была створана Брэсцкая акруговая арганізацыя КПЗБ. У розныя гады акругкам узначальвалі моцныя духам людзі, многія з якіх увайшлі ў гісторыю роднага краю, другія засталіся невядомымі.

Вера Захараўна Харужая нарадзілася 27 верасня 1903 года ў г. Бабруйску (цяпер у Магілёўскай вобласці) ў сям’і служачага. У хуткiм часе сям’я пераехала ў г. Мазыр.