Пятніца, 13 Май 2022 15:39

«Сустрэча з А. А. Волчакам»

12 мая 2022 года Брэсцкую абласную бібліятэку наведаў вядомы беларускі навуковец А. А. Волчак, які падараваў у фонд аддзела краязнаўства рэдкія выданні, у тым ліку з аўтарскім подпісам.

 

 

Аляксандр Аляксандравіч — доктар геаграфічных навук Расійскай Федэрацыі (2006) і Рэспублікі Беларусь (2007), прафесар па спецыяльнасці «Геаграфія» (2008), лаўрэат прэміі Нацыянальнай акадэміі навук Беларусі (2007), дэкан факультэта інжэнерных сістэм і экалогіі Брэсцкага дзяржаўнага тэхнічнага ўніверсітэта (2009). Узнагароджаны медалём Францыска Скарыны (2016) і юбілейным медалём «За заслугі ў меліярацыі зямель» (2021).

 

 

Аўтар больш за 1170 навуковых прац, у тым ліку 48 манаграфій, 21 вучэбных дапаможнікаў, 3 дапаможнікаў разнастайных міністэрстваў і ведамстваў, 21 вынаходстваў і карысных мадэляў.

 

 

У выніку наведвання навукоўцам нашай ўстановы фонд аддзела краязнаўства папоўніўся цэлым шэрагам навуковых выданняў: манаграфіі «Природообустройство Полесья» ў некалькіх тамах і кнігах, навуковыя дапаможнікі ў галіне прыродакарыстання і прыродаахоўнай дзейнасці. Карысным падарункам ад Аляксандра Волчака стала таксама кніга берасцейца Георгія Гулюка «Земля отблагодарит» (Москва, 2019) і бібліяграфічны паказальнік «Александр Александрович Волчек» (Брест, 2020).

 

 

Калектыў і чытачы Брэсцкай абласной бібліятэкі імя М. Горкага дзякуюць Аляксандру Аляксандравічу за падораныя кнігі і жадаюць творчых поспехаў на ніве навуковай і педагагічнай дзейнасці!

 

 

 

Аддзел краязнаўства

+375 162 57 48 79

 

 

 

Дадатковая інфармацыя

Чытаць 21 разоў Апошняя змена Пятніца, 13 Май 2022 15:40