17 октября в рамках краеведческого проекта «Литературные встречи на Советской» в читальном зале Берёзовской центральной районной библиотеки состоялась праздничная программа «Хочу постичь причину чувств», посвящённая юбилею поэтессы Валентины Осиповой. Валентина Дмитриевна — автор четырёх сборников поэзии: «Навстречу разлукам», «Разноголосица души», «Блики», «Бумажный змей».

2 мая 2019 г., в канун празднования 75-летия Великой Победы, в пункте выдачи Берёзовской центральной районной библиотеки прошёл краеведческий час «Радзіму б засланіць сваім крылом!..» по книге Е. Селени «В суровом небе фронтовом». На мероприятии присутствовали ученики 10-го «Б» класса СШ № 2.

3 студзеня ў чытальнай зале Бярозаўскай цэнтральнай раённай бібліятэкі для навучэнцаў Бярозаўскага ліцэя будаўнікоў, у мэтах прапаганды нацыянальнай мастацкай літаратуры, адбыўся літаратурны круіз «Навагодняя сустрэча з беларускай кнігай». Да ўвагі чытачоў былі прадстаўлены краязнаўчыя, мастацкія, гістарычныя выданні, відэаролікі «Белавежская пушча» і «Бераг белых буслоў», фрагмент з кінафільма пра Ніну Іосіфаўну Мацяш.

6 лютага ў Бярозаўскую дзіцячую бібліятэку на гадзіну гісторыі "Ёсць у горадзе вуліцы герояў”, прымеркаваную да  540-годдзя з дня заснавання горада Бяроза, былі запрошаны вучні 6 "Д" класса сярэдняй школы №3.

Школьнікі зрабілі невялікі экскурс у гісторыю вуліц роднага горада. Яны даведаліся, што вуліца Леніна да 1939 года насіла імя Тадэвуша Касцюшкі, вуліца Кастрычніцкая была Татарскай, вуліца Савецкая — Здзітаўская, а адна з найстарэйшых вуліц горада — вуліца Пушкіна — была Кляштарнай. А ўсяго ў Бярозе таго часу налічвалася крыху больш за дваццаць вуліц і завулкаў.

У рамках Года моладзі 15 кастрычніка ў чытальнай зале Бярозаўскай цэнтральнай раённай бібліятэкі быў праведзены літаратурна-музычны калейдаскоп «Слова аб вайне і маіх земляках», прысвечаны 80-годдзю з дня нараджэння земляка, вядомага журналіста, пісьменніка Міхаіла Шыманскага. 

У мерапрыемстве прымалі ўдзел навучэнцы УА «Бярозаўскі дзяржаўны прафесійны ліцэй будаўнікоў». Вядучыя мерапрыемства С. Гунік і Л. Галёнка распавялі аб творчым і жыццёвым шляху Міхаіла Шыманскага. Гучалі ўспаміны пра першыя творчыя крокі земляка, яго пасляваеннае дзяцінства. Навучэнцы ліцэя Д. Токар, А. Рахуба, М. Палоўнікаў прачыталі ўрыўкі гераічнай тэматыкі з твораў пісьменніка. На працягу мерапрыемства пранікнённа гучалі вершы Міхаіла Шыманскага і другіх паэтаў у выкананні бібліятэкараў А. Кумпель і А. Логіс. Загадчыца аддзела бібліятэчнага маркетынгу А. Драган выказала думку аб значнасці вывучэння творчасці пісьменніка, бо яна далучае да сваёй зямлі, да кнігі, да сакавітага роднага слова, якім добра валодае наш зямляк Міхаіл Шыманскі. Да мерапрыемства былі падрыхтаваны: выстава «Тут пачалася мая доля…», слайд-кампазіцыя «Ах, успамін далёкі-блізкі…».

 Супрацоўнікі Белаазёрскай гарадской бібліятэкі імя Ніны Мацяш у рамках штогадовых паэтычных чытанняў «Бабіна лета ў Белаазёрску» правялі літаратурную гасцёўню «Дзячу долі за ўсе пуцявіны», прысвечаную выдатнай беларускай паэтцы, перакладчыцы, нашай зямлячцы Ніне Мацяш.

Сёлета мерапрыемства праводзілася ў сценах ДУА «Белаазёрскі дзяржаўны прафесійна-тэхнічны каледж электратэхнікі» і сабрала больш за 250 гледачоў, якіх шчыра вітала вядучая і загадчыца Белаазёрскай гарадской бібліятэкі імя Ніны Мацяш Тамара Аляксандраўна Кузняцова.

Прысутным прапанаваліся прэзентацыі дзвюх кніг: «Парадніца», выдадзеная ў Мінску навучэнцамі ліцэя № 2 Аляксандрай Вараб’ёвай і Марыяй Бычык пад кіраўніцтвам настаўніцы ліцэя Алены Канстанцінаўны Пекач і «Збор выбраных твораў Ніны Мацяш», які выйшаў у серыі «Беларускі кнігазбор» і быў падрыхтаваны блізкімі сябрамі Ніны Мацяш Уладзімірам Васілевічам і Галінай Скарына.

Завіталі на мерапрыемства духоўныя сяброўкі, аднадумцы паэткі выкладчыцы Брэсцкага дзяржаўнага ўніверсітэта імя А. С. Пушкіна Марыя Новік і Святлана Варонік. 

Са шчырымі словамі ўдзячнасці, павагі і даніны памяці Ніне Мацяш выступілі паэты і пісьменнікі з Мінску, Брэста, Бярозы: Анатоль Вярцінскі, Міхась Скобла, Іван Мельнічук, Аляксей Філатаў, Вера Буланда, Валянціна Осіпава.

У выкананні вучняў ДУА «Сярэдняя школа № 3 г. Белаазёрска» пранікнёна прагучалі вершы Ніны Мацяш: «Вясновае», «Не ведаю», «Воблака душы з улады тлуму…», «Мелодыйка», «Накідаюць», «Да сустрэчы» і інш.

 Супрацоўнікі Бярозаўскай РБС сумесна з Бярозаўскай дзіцячай школай мастацтваў правялі літаратурна-музычнае свята краязнаўчай кнігі «Скарынаву кнігу ў вечнасць пусціць…», прымеркаванае да Дня беларускай пісьменасці і Дня бібліятэк Рэспублікі Беларусь.

Вядучыя мерапрыемства прадставілі гледачам каштоўныя кніжныя рарытэты з фонда ЦРБ: «“Біблія” Францыска Скарыны», «Жыццё блажэннай Еўфрасінні», «Слуцкае Евангелле», факсімільнае выданне «Вацлаў Ластоўскі. Гісторыя беларускай (крыўскай) кнігі», «Кніжная спадчына Беларусі» і інш., а таксама краязнаўчыя выданні: «Бяроза і Бярозаўскі рэгіён», «Збор выбраных твораў Ніны Мацяш», «Героическая Брестчина», «Здзітава – Радзіма мілая!», «Журналистские будни», «Малыя Лясковічы. Была такая вёска…».

У ходзе святкавання былі падведзены вынікі раённага конкурсу на лепшы краязнаўчы праект «Героическую землю наследую я». Ганаровае права павіншаваць і ўзнагародзіць пераможцаў было нададзена начальніку аддзела ідэалагічнай работы, культуры і па справах моладзі Т. М. Кавалёк і старшыні раённай арганізацыі грамадскага аб’яднання «Белорусский фонд Мира» В. В. Резько. 

Госцем свята выступіла маладая паэтеса, лаўрэат Літаратурнага конкурсу імя М. Багдановіча, дыпламант абласнога літаратурнага конкурсу сярод дзяцей і юнацтва, прысвечанага 70-годдзю вызвалення Брэсцкай вобласці ад нямецка-фашысцкіх захопнікаў – Алена Папко.

 Яркім і насычаным дапаўненнем мерапрымства сталі кніжныя выставы і экспазіцыі: «На кніжных прасторах любай Беларусі», «Мова пачынаецца са слоўніка», «Творчыя краязнаўчыя працы бібліятэкараў – намінанты конкурсаў», «Чытайце! Паэты пішуць аб вайне».

 Карысталася поспехам у гледачоў выстава творчасці супрацоўнікаў бібліятэк «Залацінкі бібліятэчнай творчасці».