Удзел Брэсцкай абласной бібліятэкі ў III Форуме медыйнай супольнасці Беларусі
2 чэрвеня Брэсцкая абласная бібліятэка імя М. Горкага прыняла ўдзел у працы III Форума медыйнай супольнасці Беларусі, у рамках якога адбылася ўрачыстая цырымонія ўзнагароджання пераможцаў XIX Нацыянальнага конкурса «Залатая літара».
Кніжная выстава «Радзіма пачынаецца з жанчыны: славутыя жагчыны ў гісторыі Берасцейшчыны»
Кніжная выстава «Радзіма пачынаецца з жанчыны: славутыя жанчыны ў гісторыі Берасцейшчыны»
У аддзеле краязнаўства Брэсцкай абласной бібліятэкі імя М. Горкага дзейнічае кніжная выстава «Радзіма пачынаецца з жанчыны: славутыя жанчыны ў гісторыі Берасцейшчыны».
На працягу шматвяковай гісторыі многія жанчыны пакінулі сваімі справамі непаўторны след на зямлі. У кожнай з іх было рознае жыццё. Часы, калі яны жылі, іх погляды, характары, паводзіны непадобныя паміж сабой.
Кніжная выстава «Берасцейская літаратура: набыткі і дасягненні»
У аддзеле краязнаўства Брэсцкай абласной бібліятэкі ім. М. Горкага пачала работу кніжная выстава «Берасцейская літаратура: набыткі і дасягненні», на якой прадстаўлены кніжныя навінкі за апошнія два гады.
9 лістапада 2020 г. не стала вядомага краязнаўца, гісторыка, ганаровага чытача Брэсцкай абласной бібліятэкі імя М. Горкага Аляксандра Львовіча Ільіна.
Аляксандр Львовіч нарадзіўся 26 красавіка 1956 г. у г. Верхнедняпроўску Днепрапятроўскай вобласці (Украіна). У 1972 г. паступіў на механіка-матэматычны факультэт Днепрапятроўскага дзяржаўнага ўніверсітэта. З 1977 г. працаваў асістэнтам кафедры матэматычнага аналіза Брэсцкага дзяржаўнага педагагічнага інстытута. З 1981 па 1985 г. вучыўся ў аспірантуры Мінскага дзяржаўнага педагагічнага інстытута імя А. М. Горкага па спецыяльнасці «Матэматычны аналіз». У1985 г. абараніў кандыдацкую дысертацыю па тэме«О разрешимости соответствий». У перыяд з1986 па2003 г.выкладаў у вузах: Мазырскім дзяржаўным педагагічным інстытуце (1986–1989), Глухаўскім дзяржаўным педагагічным інстытуце (Украіна, 1989–1997), Брэсцкім дзяржаўным універсітэце імя А. С. Пушкіна (1997–2000), Беларускім дзяржаўным універсітэце транспарту (Гомель, 2000–2003). У1992 г. прысвоена навуковае званне дацэнта. З 2003 па 2006 г. — загадчык кафедры вышэйшай матэматыкі і інфарматыкі ў Пінскім вышэйшым банкаўскім каледжы. З чэрвеня 2006 па сакавік 2020 г. — дацэнт кафедры вышэйшай матэматыкі і інфармацыйных тэхналогій УА «ПалесДУ». З сакавіка 2020 г. — дацэнт кафедры інфармацыйных тэхналогій і інтэлектуальных сістэм ПалесДУ.
Узнагароджанне лаўрэатаў Літаратурнай прэміі імя У. А. Калесніка Брэсцкага абласнога выканаўчага камітэта за 2019 г.
Святлана Варонік «Пацеркі даверу»
12 чэрвеня 2019 г. у Брэсцкай абласной бібліятэцы імя М. Горкага адбылася творчая сустрэча з нагоды юбілею і выхаду новай кнігі паэзіі «Пацеркі даверу» берасцейскай паэткі Святланы Варонік.
«Брэст. Тут пачынаецца Радзіма»
З 17 студзеня 2019 г. у агульнай чытальнай зале Бібліятэкі адкрылася выстава-панарама «Брэст. Тут пачынаецца Радзіма», прысвечаная 1000-годдзю горада Брэста.
«Брэст — культурная сталіца СНД»
У 2019 г. Брэст атрымаў ганаровы статус культурнай сталіцы СНД. Да гэтай значнай у жыцці нашага горада падзеі прымеркавана кніжная выстава «Брэст — культурная сталіца СНД», падрыхтаваная супрацоўнікамі аддзела краязнаўчай літаратуры і бібліяграфіі Брэсцкай абласной бібліятэкі імя М. Горкага.
75 гадоў з дня нараджэння Ніны Мацяш
У гэтыя восеньскія дні творчая грамадскасць Берасцейшчыны адзначае 75-ю гадавіну з дня нараджэння нашай вядомай зямлячкі, паэткі, пісьменніцы і перакладчыцы Ніны Мацяш. Ніна Язэпаўна Мацяш — аўтар зборнікаў вершаў «Агонь» (1970), «Удзячнасць» (1973), «Ралля суровая» (1976), «Прыручэнне вясны» (1979), «Поўны келіх» (1982), «Жнівень» (1985), «Шчаслівай долю назаві…» (1990), «Паміж усмешкай і слязой» (1993), «Я вас люблю» (1998), «Богава дрэва» (2004) i iнш. Яе паэзія перакладзена на рускую, англійскую, французскую, польскую, украінскую і іншыя мовы. Ніна Язэпаўна з’яўляецца аўтарам казак для дзяцей, п’ес для тэатра лялек. Яна была вядома як крытык і літаратуразнавец. Займалася мастацкімі перакладамі з французскай, нямецкай, польскай, украінскай моў. Заслужаны дзеяч мастацтваў Рэспублікі Беларусь (1994), лаўрэат Літаратурнай прэміі імя Аркадзя Куляшова, ганаровага звання «Берасцейская зорка – 1998» у намінацыі «Літаратура», Літаратурнай прэміі Брэсцкага аблвыканкама імя Уладзіміра Калесніка (2009), Міжнароднай літаратурнай прэміі імя Рыгора Скаварады, прэміі Усебеларускага фестывалю моладзі, прысвечанага 50-годдзю ЛКСМБ (1970), ганаровы грамадзянін горада Белаазёрска (1988). Узнагароджана медалём «За доблестный труд».
Круглы стол «Краязнаўчыя інфармацыйныя рэсурсы як фактар развіцця культурнага асяроддзя горада»
29 сакавіка 2018 г. ДУК «Брэсцкая цэнтральная гарадская бібліятэка імя А. С. Пушкіна», у рамках Года малой радзімы ў Рэспубліцы Беларусь, на базе ЦГДБ імя А. С. Пушкіна арганізавала круглы стол «Краязнаўчыя інфармацыйныя рэсурсы як фактар развіцця культурнага асяроддзя горада».