Фільтраваць
Імёны
Падзеі
Помнікі
Рэгіён
Прадметы
Установы
Спадчына: Мастакі

Ніла Мікалаеўна Гарчанюк нарадзілася 8 лютага 1967 года ў г. Брэсце. Яе бацька закончыў Брэсцкі інжынерна-будаўнічы інстытут. Ніла Гарчанюк вучылася ў СШ № 20 г. Брэста. Закончыла дзіцячую мастацкую школу, дзе вядучым педагогам яе класа была жывапісец Тамара Уладзіміраўна Дзянісава. Затым — Кобрынскае ПТВ-105 народных мастацкіх промыслаў.

Іван Піліпавіч Супрунчык нарадзіўся 23 кастрычніка 1942 года ў вёсцы Цераблічы Давыд-Гарадоцкага раёна Пінскай вобласці (цяпер Столінскага раёна Брэсцкай вобласці) у сялянскай сям’і. У Піліпа Фядотавіча (1910–1944) і Аксінні Сцяпанаўны Супрунчык (1913–2000) ён быў чацвёртым. Бацька загінуў на фронце ў час вызвалення Польшчы ад нямецка-фашысцкіх захопнікаў.

Напалеон Орда – выдатны піяніст, кампазітар, мастак, педагог, публіцыст. Вялікі грамадзянін Еўропы з Варацэвічаў сваёй нястомнай дзейнасцю, усім, што паспеў зрабіць за сваё больш чым паўвекавое творчае жыццё, выклікае гонар і павагу ў сэрцах нашчадкаў. У якім бы мастацтве ён ні тварыў, усюды ўражвае дасканаласцю і высокімі пачуццямі. Спадчына Н. Орды настолькі вялікая і значная, што сучаснікі па праву называлі яго зоркай першай велічыні еўрапейскай культуры XIX ст., творчасць, на думку многіх, належыць розным народам і культурам.

Венанцы Вікенцьевіч Бутрым нарадзіўся 9 верасня 1936 года ў горадзе Баранавічы Навагрудскага ваяводства (цяпер Брэсцкай вобласці). Пасля заканчэння школы пайшоў у ПТВ, працаваў электрыкам. У 1965 годзе скончыў Мінскае мастацкае вучылішча па спецыяльнасці настаўнік чарчэння і малявання. Падчас вучобы працаваў настаўнікам чарчэння і малявання ў СШ № 9 г. Мінска. Па заканчэнні вучобы (1960) вярнуўся ў родны горад і два гады працаваў настаўнікам СШ № 1.

Міхаіл Сяргеевіч Талмачоў нарадзіўся 6 студзеня 1922 года ў Алтайскім краі ў вялікай сям’і праваслаўнага святара, быў адзінаццатым дзіцём. Сям’я жыла ў Навасібірску, Ленінградзе. У дзяцінстве ўдзельнічаў у мастацкай самадзейнасці, майстраваў авіамадэлі. Разам са старэйшай сястрой, якая і прывіла яму любоў да жывапісу, падоўгу маляваў куткі Пецяргофа, Петрадварца, скульптуры Летняга саду. У школе вучыўся добра, ахвотна, сярэднюю школу закончыў з залатым медалём.

Леанід Мікалаевіч Салаўёў нарадзіўся 9 снежня 1936 года ў вёсцы Дзюкава Валагодскай вобласці (Расія). Бацька быў на фронце з 1941 года, загінуў у 1944. Маці працавала на чыгунцы, у чэрвені 1945 года яе перавялі ў Брэст і яна пераехала з чатырма дзяцьмі. Тут Леанід пайшоў у першы клас школы № 8. Наведваў студыю выяўленчага мастацтва Пятра Аляксеевіча Данеліі, які прывіў яму любоў да мастацтва, жывапісу, вызначыў лёс і творчы шлях мастака, даў рэкамендацыю ў Саюз мастакоў.

Францішак Марыян Віславух (Выславух) нарадзіўся 24 верасня 1896 года ў вёсцы Пярковічы Кобрынскага павета Гродзенскай губерні (цяпер Драгічынскага раёна Брэсцкай вобласці) у заможнай польскай сям’і. Шляхецкі род Віславухаў вядомы з пачатку ХVІ ст. Бацька, Антоній Віславух (1864–1940), быў гісторыкам, бібліяфілам, настаўнікам Брэсцкай гімназіі. У сям’і было дзевяць дзяцей.

Уладзімір Васільевіч Старчакоў нарадзіўся 20 сакавіка 1911 года ў сяле Рагань Харкаўскага павета Харкаўскай губерні (цяпер гарадскі пасёлак Харкаўскага раёна Харкаўскай вобласці, Украіна) у сям’і будаўніка. У 1930–1936 гадах вучыўся ў Харкаўскім мастацкім інстытуце ў прафесара Сямёна Маркавіча Прохарава, у мастака Міхаіла Якімавіча Козыка. З трэцяга курса спецыялізаваўся на тэатральным аддзяленні ў мастака Анатолія Галакціонавіча Пятрыцкага.

Аляксандр Адамавіч Краўчук нарадзіўся 10 мая 1936 года ў г. Брэсце-над-Бугам (цяпер Брэст) у рабочай сям’і. У шасцігадовым узросце Саша Краўчук знайшоў гранату, якая раптоўна ўзарвалася. У выніку няшчаснага выпадку застаўся без прадплечча левай рукі; калі стаў дарослым, дык насiў пратэз.

Леанiд Пятровiч Данелiя нарадзiўся 27 сакавiка 1946 года ў г. Брэсце. Яго бацька – брэсцкі мастак-жывапісец Пётр Аляксеевіч Данелія (1920–2012), удзельнік Вялікай Айчыннай вайны, адзін з заснавальнікаў Брэсцкага аддзялення Беларускага саюза мастакоў, заслужаны дзеяч мастацваў Беларусі (1995).

Старонка 4 з 11