22 мая 2016 г. – 65 гадоў з дня нараджэння Анастасіі Іванаўны Фяцісавай (1951), мастака
Анастасія Іванаўна Фяцісава нарадзілася 22 мая 1951 года ў г. Брэсце. Яе бацька, Іван Якаўлевіч Фяцісаў (1920–1994), удзельнiк Вялiкай Айчыннай вайны, вядомы брэсцкi мастак-жывапісец, заслужаны работнiк культуры БССР (1989).
Насця Фяцісава ў дзяцінстве выяўленчым мастацтвам не захаплялася, нядоўга наведвала студыю М. С. Талмачова. Толькі з 8-га класа ёй захацелася маляваць, самастойна спрабавала акварэльныя фарбы. Па прапанове бацькоў у 1973 годзе закончыла Мінскае музычнае вучылішча імя М. Глінкі па класу баяна. Пасля сама выбрала свой лёс – паступіла ў Беларускі тэатральна-мастацкі інстытут. Вучылася з вялікім натхненнем у С. Баткоўскага, А. Семілетава, Л. Міронавай.
17 лютага 2016 г. – 65 гадоў з дня нараджэння Уладзіміра Дзмітрыевіча Тулупава (1951), мастака, педагога
Уладзімір Дзмітрыевіч Тулупаў нарадзіўся 17 лютага 1951 года ў г. Брэсце ў сям’і служачых. Схільнасць да малявання ва Уладзіміра праявілася рана, але толькі ў 15 гадоў трапіў у студыю выяўленчага мастацтва выдатнага педагога Міхаіла Сяргеевіча Талмачова (1922–1998) пры абласным Доме піянераў і школьнікаў.
30 мая 2016 г.– 65 гадоў з дня нараджэння Анатоля Міхайлавіча Хвісевіча (1951), мастака манументальна-дэкаратыўнага мастацтва, афарміцеля інтэр’ераў, жывапісца
Анатоль Міхайлавіч Хвісевіч нарадзіўся 30 мая 1951 года ў вёсцы Стахавічы Пінскага раёна Пінскай (цяпер Брэсцкай) вобласці. У 1973 годзе скончыў архітэктурны факультэт Брэсцкага інжынерна-будаўнічага інстытута.
12 чэрвеня 2016 г. – 75 гадоў з дня нараджэння Дота Саматавіча Абдусаматава (1941), мастака
Дот Саматавіч Абдусаматаў нарадзіўся 12 чэрвеня 1941 года ў пасёлку Шахрынау (Таджыкская ССР). Бацька працаваў правадніком – суправаджаў людзей цераз перавал. На пачатку Вялікай Айчыннай вайны бацька быў прызваны ў Чырвоную армію і загінуў на фронце. Мацi памерла ў час вайны, хлопчык выхоўваўся ў дзіцячым доме ў Душанбэ у рускамоўным асяродку.
22 кастрычніка 2015 г. – 100 гадоў з дня нараджэння Канстанціна Кандратавіча Казёлкі (1915–1991), самадзейнага майстра-разьбяра па дрэве, заслужанага дзеяча мастацтваў БССР (1957)
Канстанцін Кандратавіч Казёлка нарадзіўся 22 кастрычніка 1915 года на ст. Калінкавічы Мазырскага павета Мінскай губерні (цяпер горад у Гомельскай вобласці). Калі наблізіўся фронт Першай сусветнай вайны, яго бацька, Кандрат Казёлка, каваль з Давыд-Гарадка, з цяжарнай жонкай Марыяй Рыгораўнай і пяцігадовай дачкой рушылі ў бежанцы. Потым Казёлкі дабраліся да Кіева, дзе бацька ўладкаваўся матросам ў параходнае таварыства. Марыя Рыгораўна памерла праз два гады, бацька зноў ажаніўся і дзяцей выхоўвала мачыха.
29 студзеня 2016 г. – 60 гадоў з дня нараджэння Тамары Уладзіміраўны Дзянісавай (1956), мастачкі
Тамара Уладзіміраўна Дзянісава нарадзілася 29 студзеня 1956 года ў вёсцы Леніна Добрушскага раёна Гомельскай вобласці. У час вайны яе маці, Вера Аляксандраўна, дапамагала партызанам.
4 сакавіка 2016 г. – 95 гадоў з дня нараджэння Эдуарда Станіславіча Куфко (1921–1998), жывапісца
Эдуард Станіслававіч Куфко нарадзіўся 4 сакавіка 1921 года ў сяле Славоціна Селіжараўскага раёна Цвярской вобласці (Расія) у сям’і чыгуначніка. Скончыў Абазерскі лесатэхнічны тэхнікум.
21 студзеня 2016 г. – 60 гадоў з дня нараджэння Марыі Браніславаўны Князевай (1956), мастака дэкаратыўна-прыкладнога мастацтва (мастацкае шкло), жывапісца
Марыя Браніславаўна Князева нарадзілася 21 студзеня 1956 года ў Мінску. У 1983 годзе закончыла Беларускі тэатральна-мастацкі інстытут.
18 студзеня 2016 г. – 55 гадоў з дня нараджэння Валерыя Яўгенавіча Кавальчука (1961), жывапісца, педагога
Валерый Яўгенавіч Кавальчук нарадзіўся 18 студзеня 1961 года ў вёсцы Пугачова (з 1979 г. у межах Брэста) Брэсцкага раёна Брэсцкай вобласці.
24 студзеня 2016 г. – 75 гадоў з дня нараджэння Аляксандра Аляксандравіча Алонцава (1941–2013), мастака, аўтара прац у станковай графіцы, акварэлі, педагога
Аляксандр Аляксандравіч Алонцаў нарадзіўся 24 студзеня 1941 года ў г. Брэсце ў сям’і ваеннаслужачага. Бацька, Аляксандр Іванавіч Алонцаў, гераічна загінуў у чэрвені 1941 года пры абароне Брэсцкай крэпасці.