Анатоль Савельевіч Туркоў нарадзіўся 1 кастрычніка 1949 г. у г. Камянцы Брэсцкай вобласці ў шматдзетнай сям’і. Бацькі Савелій Мяркулавіч і Надзея Мікалаеўна адправілі яго вучыцца ў Высокаўскую школу-інтэрнат, дзе ён пачаў маляваць. У старэйшых класах Анатоль вучыўся ў СШ № 1 г. Камянца і адначасова займаўся малюнкам, жывапісам і лінагравюрай у студыі выяўленчага мастацтва пад кіраўніцтвам заслужанага настаўніка БССР Дзмітрыя Раманавіча Дошчыка.

Леанід Ібрагімавіч Друян нарадзіўся 26 ліпеня 1944 г. у г. Камянец Брэсцкай вобласці ў сям’і партызанскага ўрача Ібрагіма Леанідавіча Друяна (1916–1988) і партызанскай медыцынскай сястры Марыі Лявонцьеўны (у дзявоцтве Вежнавец). У гэтыя дні ішлі жорсткія баі за вызваленне Камянецкага раёна ад нямецка-фашысцкіх захопнікаў.

Старажытны г. Камянец Брэсцкай вобласці калісьці быў багаты праваслаўнымі храмамі. Паводле Іпацьеўскага летапісу ў 1276 г. пабудаваны абарончы слуп і на горцы «Кладуча» — першая царква Благавешчання Прасвятой Багародзіцы. Пазней была ўзведзена царква Раства Хрыстова, яшчэ пазней — Уваскрэсення Хрыстова, пры ёй быў адкрыты мужчынскі манастыр, з 1711 г. па 1885 г. дзейнічала Спаса-Праабражэнская царква.

Гісторыя Свята-Сімяонаўскага прыходу пачалася яшчэ ў другой палове ХVI ст. У 1562 г. прыхаджане пабудавалі з дрэва царкву на пагорку, які з усходу абмываўся безназоўным прытокам ракі Лясная.

Узорны ансамбль эстраднага танца «Капрыз» быў створаны ў 1998 г. пры Камянецкім гарадскім Доме культуры Брэсцкай вобласці. Асноўная мэта дзейнасці калектыву – папулярызацыя танцавальнага мастацтва, выхаванне музычнага густу. Заснавальнік і мастацкі кіраўнік ансамбля Валянціна Валянцінаўна Крывец прыйшла працаваць харэографам ў Дом культуры ў студзені 1997 г., набрала дзяцей малодшых класаў у танцавальную групу.

Мойша Элія (Мошэ Эліяху) Жарненскі нарадзіўся 11 мая 1883 г. у Камянцы-Літоўскім (цяпер г. Камянец Брэсцкай вобласці) у сям'і Давіда Жарненскага і Іехудыт Рабіновіч. Атрымаў традыцыйную яўрэйскую адукацыю. Вучыўся ў іешывах Навагрудка і слабодкі Коўна (цяпер г. Каўнас, Літва).

Аляксандр Іванавіч Самуйлік нарадзіўся 8 сакавіка 1908 г. у в. Махро Кобрынскага павета Гродзенскай губерні (цяпер Іванаўскага раёна Брэсцкай вобласці) у шматдзетнай сялянскай сям’і, быў трынаццатым дзіцём. Толькі ў пятнаццаць гадоў змог сын селяніна пайсці вучыцца грамаце. Але нядоўга працягвалася вучоба, хоць і быў Аляксандр адным з самых здольных вучняў – выключылі за нядобранадзейнасць.

Ехезкель (Ехезкел, Ехешкель) Коцік нарадзіўся 25 сакавіка 1847 г. у мястэчку Камянец-Літоўск Гродзенскай губерні (цяпер г. Камянец Брэсцкай вобласці) у паважанай сям’і заможнага яўрэя-хасіда Мойшэ. Як і большасць яўрэйскіх дзяцей, навучаўся ў школе, засвойваў асаблівасці адносін унутры кагала, жыццё і побыт неяўрэйскага насельніцтва Камянца. Усялякім прамудрасцям яго навучалі дзед рэб Арон-Лейзер і бабуля Бейле-Рашэ.

Ніна Васiльеўна Гарагляд (Дзякава) нарадзілася 20 лютага 1952 г. на хутары Паўлінава Лышчанскага сельсавета Пінскага раёна Брэсцкай вобласці ў мнагадзетнай сям’і. Рана засталася без бацькі, выхоўвалася ў Целяханскім дзіцячым доме Івацэвіцкага раёна. У 1969 г. скончыла 10 клас Лышчанскай сярэдняй школы. Працавала піянерважатай у роднай школе. У 1970 г. паступіла на філалагічны факультэт Брэсцкага педагагічнага інстытута імя А. С. Пушкіна.

Настасся Мікалаеўна Нарэйка нарадзілася 28 лістапада 1986 г. у г. Маладзечна Мінскай вобласці. У 2004 г. скончыла Маладзечанскую гімназію № 10, у якой выкладанне вялося выключна на беларускай мове. На роднай мове размаўлялі заўсёды і дома. Менавіта гэта, ды яшчэ кнігі, без якіх Настасся не ўяўляла свайго жыцця, абумовілі імкненне да творчасці.

Георгій Сцяпанавіч Мусевіч нарадзіўся 11 лістапада 1931 г. у в. Дзмітравічы Брэсцкага павета Палескага ваяводства (цяпер Камянецкага раёна Брэсцкай вобласці). Бацька, Сцяпан Сцяпанавіч Мусевіч, паходзіў з сялян, скончыў настаўніцкую семінарыю ў Бялай Падлясцы. Маці, Алена Пятроўна Мусевіч (Елінецкая), займалася сям’ёй, была цудоўнай гаспадыняй.