Людміла Міхайлаўна Яроцкая (у дзявоцтве Кукса) нарадзілася 22 сакавіка 1961 г. у в. Смаляніца Пружанскага раёна Брэсцкай вобласці. Бацька Міхаіл Савельевіч Кукса працаваў механізатарам у калгасе «Восход», у вольны час любіў плясці з лазы кошыкі, вязаць венікі. Маці Ганна Аляксееўна многа гадоў працавала санітаркай у ФАПе, прыгожа вязала сурвэткі і карункі, добра валодала ткацкім станком і ткала дываны.

Марыя Мікалаеўна Кулецкая (Клімашэвіч) нарадзілася 26 лістапада 1950 г. у в. Навасёлкі Пружанскага раёна Брэсцкай вобласці. Пасля заканчэння мясцовай школы вучылася ў Бабруйскім мастацкім вучылішчы, дзе стала спецыялістам па афармленні інтэр’ераў (1969). Працавала мастаком-афарміцелем. У 1980 г. скончыла Магілёўскі бібліятэчны тэхнікум, працавала бібліятэкарам Пружанскай дзіцячай бібліятэкі.

Іцхак Шамір (Езярніцкі) нарадзіўся 15 кастрычніка 1915 г. у мястэчку Ружаны Гродзенскай губерні (цяпер г. п. Ружаны Пружанскага раёна Брэсцкай вобласці). Бацька, Шлома Езярніцкі, валодаў маленькай гарбарнай майстэрняй, падтрымліваў мясцовую двухгадовую яўрэйскую школу і ўзначальваў яўрэйскую абшчыну. Маці — Перале, была добрасардэчнай, спагадлівай жанчынай, займалася хатнімі справамі. У сям’і выхоўвалася трое дзяцей — Іцхак і дзве яго старэйшыя сястры Мірыям і Рыўка.

Казімір Велікаселец нарадзіўся 5 мая 1945 г.ув. Стараволя Шарашоўскага (з 1956 г. Пружанскага) раёна Брэсцкай вобласці. Яго глыбокая вера фарміравалася з маленства, хоць касцёл у вёсцы закрылі ў 1948 г. Да першай споведзі і святой камуніі хлопчыка рыхтаваў бацька і ў дзесяцігадовым узросце адвёз яго на веласіпедзе ў бліжэйшы касцёл у Кобрын — гэта 60 км у адзін бок.

Пасля ўз’яднання Заходняй Беларусі з БССР 4 снежня 1939 г. былі ўтвораны Баранавіцкая, Брэсцкая, Пінская і інш. вобласці. Указам Прэзідыума Вярхоўнага Савета БССР ад 15 студзеня 1940 г. утвораны Шарашоўскі раён з цэнтрам у г. п. Шарашова.

Пасля ўз’яднання Заходняй Беларусі з БССР 4 снежня 1939 г. былі ўтвораны Баранавіцкая, Брэсцкая, Пінская і інш. вобласці. Ружанскі раён з цэнтрам у г. п. Ружаны ўтвораны 15 студзеня 1940 г. У канцы студзеня пачаў працаваць Ружанскі райкам КП(б)Б. Сакратарамі райкама партыі былі абраны М. Ц. Падаляк, Н. Д. Белікаў, В. В. Хількевіч. Старшынёй Ружанскага райвыканкама стаў Аляксей Васільевіч Каралёў. Разгарнуў актыўную работу сярод моладзі райкам ЛКСМБ на чале з першым сакратаром А. М. Доўбняй.

Пасля далучэння Заходняй Беларусі да БССР адбыўся адміністрацыйны падзел тэрыторыі, 4 снежня 1939 г. была ўтворана Брэсцкая вобласць. Пружанскі раён з цэнтрам у г. Пружаны ўтвораны 15 студзеня 1940 г. у складзе Брэсцкай вобласці. 12 кастрычніка 1940 г. раён падзелены на 18 сельсаветаў (іх колькасць ў 1954–2006 гг. мянялася).

Будаўніцтва Воднага палаца ў г. Пружаны Брэсцкай вобласці пачалося ў 2008 г. Пляцоўка была выбрана на перакрыжаванні вуліц Інтэрнацыянальнай і Завадской. Праект распрацавала ААТ «Брэстпраект» — тая ж арганізацыя, што працавала і над праектам Лядовага палаца спорту ў Пружанах. Узвядзенне аб’екта было даручана брэсцкай фірме «Алвора-Бел» і яшчэ некалькім арганізацыям, колькасць будаўнікоў у некаторыя дні дасягала сотні чалавек. 24 ліпеня 2010 г. з ходам будаўніцтва пазнаёміўся Прэзідэнт Рэспублікі Беларусь А. Р. Лукашэнка, які пабываў на Пружаншчыне з рабочым візітам.

Свята-Пакроўская царква ў в. Гарадзечна Кобрынскага павета Гродзенскай губерні (цяпер Пружанскага раёна Брэсцкай вобласці) была пабудавана ў 1825 г. Гэтыя мясціны вядомы ў гісторыі — тут 12 жніўня 1812 г. адбылася Гарадзечанская бітва паміж часцямі 3-й арміі генерала А. П. Тармасава і французскімі карпусамі К. Шварцэнберга і Ж. Рэнье. Нягледзячы на перавагу сіл ворага, атакі былі адбіты, рускія войскі ўтрымлівалі пазіцыі да вечара, а ноччу пачалі адыход на Кобрын.

Вера Віктараўна Церахава (у дзяцінстве Вера Георгіеўна Рубіс) нарадзілася 29 верасня 1934 г. у г. Пскове. Перад самай Вялікай Айчыннай вайной маці Веры з другім мужам, афіцэрам, выехала ў Брэст.