Міхаіл Андрэевіч Карпук нарадзіўся 5 сакавіка 1930 г. у в. Мыкшыцы Брэсцкага павета (цяпер Расненскага сельсавета Камянецкага раёна Брэсцкай вобласці), непадалёку ад г. Высокае. На яго дзяцінства прыпала польскае панаванне на Заходняй Беларусі, нямецка-фашысцкая акупацыя ў гады Вялікай Айчыннай вайны.

Пачатак вялікай сістэмнай рабоце па аднаўленню гістарычных і стварэнню новых гербаў Брэсцкай вобласці быў пакладзены рашэннем Брэсцкага аблвыканкама № 121 ад 9 лютага 1998 г. Для стварэння герба і флага Брэсцкай вобласці была створана рабочая камісія па геральдыцы пры каардынацыйным савеце аблвыканкама па ахове матэрыяльнай і духоўнай спадчыны на чале з І. І. Карватам.

Кобрынская раённая дзяржаўная натарыяльная кантора ўпраўлення Народнага Камісарыята юстыцыі БССР пры Брэсцкім абласным Савеце дэпутатаў працоўных утворана ў 1940 г. Дакументы таго перыяду не захаваліся ў сувязі з акупацыяй тэрыторыі нямецка-фашысцкімі захопнікамі, таму дакладную дату нараджэння натарыяльнай канторы немагчыма вызначыць.

У г. Брэсце пры спартыўным таварыстве «Спартак» у 1960 г. была сфарміравана футбольная каманда, яе ўзначаліў старшы трэнер з Мінскага інстытута фізкультуры Віталій Аляксандравіч Касянюк (1953–1994). Другі трэнер — Анатоль Аляксандравіч Захараў. Капітан каманды — Сяргей Ільін. Свой першы матч спартакаўцы правялі 12 красавіка ў Бандэрах Малдаўскай ССР супраць мясцовага «Ністру» з вынікам 5 : 1 на карысць брэстаўчан.

У канцы 1990-х у Беларусі было толькі чатыры лядовыя арэны, цяпер іх больш за 35. Лядовы палац спорту ў г. Брэсце пабудаваны згодна з Указам Прэзідэнта Рэспублікі Беларусь А. Р. Лукашэнкі. Архітэктурны праект распрацаваны ААТ «Белпрампраект», дзе ўлічылі сучасныя перадавыя тэхналогіі. Будаўніцтва пачалося ў жніўні 1998 г., вялося на сродкі рэспубліканскага бюджэта падраздзяленнямі будаўнічага трэста № 8.