Спадчына
28 студзеня 2016 г. — 100 гадоў з дня нараджэння Паўла Васільевіча Пранягіна (1916–1997), удзельніка Вялікай Айчыннай вайны, Ганаровага грамадзяніна г. Брэста (1974)
Павел Васільевіч Пранягін нарадзіўся 28 студзеня 1916 года ў сяле Антонаўка (цяпер Самарскага раёна, Татарстан, Расія) у сялянскай сям’і. Дзяцінства прайшло на беразе Волгі. Закончыў матэматычны факультэт Казанскага ўніверсітэта, пачаў працаваць настаўнікам Камска-Усцінскай сярэдняй школы. У 1939 годзе быў прызваны ў Чырвоную армію, накіраваны на курсы малодшых лейтэнантаў Казанскага пяхотнага вучылішча.
Дадатковая інфармацыя
- Імёны Пранягін Павел Васільевіч
- Падзеі Вялікая Айчынная вайна
- Помнікі
- Рэгіён Брэст
- Прадметы Партызаны, Удзельнікі Вялікай Айчыннай вайны, Ганаровыя грамадзяне
- Установы
20 кастрычніка 2016 года — 180 гадоў з дня нараджэння Сігізмунда Карлавіча Свянціцкага (1836–1910), урача, які ўнёс значны ўклад у станаўленне беларускай медыцыны, грамадскага дзеяча
Сігізмунд Карлавіч Свянціцкі нарадзіўся 20 кастрычніка 1836 года ў маёнтку Красцінава Кобрынскага павета Гродзенскай губерні (цяпер Драгічынскага раёна Брэсцкай вобласці) у сям’і небагатага памешчыка. Сярэднюю адукацыю атрымаў у Пінскім дваранскім вучылішчы і Мінскай гімназіі, якую скончыў з сярэбраным медалём.
Сігізмунду не было і шаснаццаці гадоў, калі ён паступіў на медыцынскі факультэт Маскоўскага ўніверсітэта. Падчас вучобы браў актыўны ўдзел у студэнцкім руху. Гэта прыцягнула ўвагу царскай аховы, і юнак вымушаны быў пакінуць вучобу і выехаць дадому.
Дадатковая інфармацыя
- Імёны Свянціцкі Сігізмунд Карлавіч
- Падзеі
- Помнікі
- Рэгіён Драгічынскі раён, Красцінава
- Прадметы Урачы, Грамадскія дзеячы
- Установы
17 чэрвеня 2016 г. – 70 гадоў з дня нараджэння Валянціна Міхайлавіча Гапіенкі (1946), архітэктара, лаўрэата Дзяржаўнай прэміі Беларусі (1988)
Валянцін Міхайлавіч Гапіенка нарадзіўся 17 чэрвеня 1946 года ў пасёлку Курганаўка Барзаскага раёна Кемераўскай вобласці (Расія). У 1973 годзе скончыў Брэсцкі інжынерна-будаўнічы інстытут.
З 1973 года працаваў у Брэсцкім філіяле інстытута «Белдзяржпраект» (з 1975 г. – інстытут «Брэстграмадзянпраект»). З 1977 года – галоўны архітэктар Брэста. У 1984 годзе Валянцін Міхайлавіч прыняты ў Саюз архітэктараў СССР.
Дадатковая інфармацыя
- Імёны Гапіенка Валянцін Міхайлавіч
- Падзеі
- Помнікі
- Рэгіён Брэст
- Прадметы Архітэктары
- Установы
6 снежня 2016 г. – 70 гадоў з дня нараджэння Марыі Пятроўны Гарупа (1946–2016), грамадскага дзеяча, журналіста, Ганаровага грамадзяніна горада Іванава і Іванаўскага раёна (2016)
Марыя Пятроўна Гарупа (дзявочае Піліпенка) нарадзілася 6 снежня 1946 года ў вёсцы Сувіды Брагінскага раёна Гомельскай вобласці ў вялікай сялянскай сям’і. Пасля Чарнобыльскай катастрофы родная вёска перастала існаваць. Пасля заканчэння Савіцкай СШ Марыя Піліпенка паступіла ў Мазырскі педагагічны інстытут, які скончыла ў 1967 годзе.
Дадатковая інфармацыя
- Імёны Гарупа Марыя Пятроўна
- Падзеі
- Помнікі
- Рэгіён Іванаўскі раён, Іванава
- Прадметы Грамадскія дзеячы, Журналісты, Ганаровыя грамадзяне
- Установы
23 снежня 2016 г. — 220 гадоў з дня нараджэння Віктара Гельтмана (1796–1874), удзельніка паўстання 1830–1831 гг.
Віктар Гельтман нарадзіўся 23 снежня 1796 года ў вёсцы Вярховічы Брэсцкага павета Слонімскай губерні (цяпер Камянецкі раён Брэсцкай вобласці), дзе яго бацька служыў адміністратарам маёнтка графа Аляксандра Хадкевіча. Граф не толькі фінансава дапамог Віктару скончыць Свіслацкую гімназію (1810–1815), але і ўзяў да сябе на працу бібліятэкарам і захавальнікам мінералагічнага і нумізматычнага кабінетаў.
Дадатковая інфармацыя
- Імёны Гельтман Віктар
- Падзеі
- Помнікі
- Рэгіён Брэсцкі павет, Вярховічы, Камянецкі раён
- Прадметы Удзельнікі паўстання 1830 1831 гг.
- Установы