11 мая 2023 г. — 140 гадоў з дня нараджэння Мойшы Элія Жарненскага (1883–1949), яўрэйскага пісьменніка, перакладчыка
Мойша Элія (Мошэ Эліяху) Жарненскі нарадзіўся 11 мая 1883 г. у Камянцы-Літоўскім (цяпер г. Камянец Брэсцкай вобласці) у сям'і Давіда Жарненскага і Іехудыт Рабіновіч. Атрымаў традыцыйную яўрэйскую адукацыю. Вучыўся ў іешывах Навагрудка і слабодкі Коўна (цяпер г. Каўнас, Літва).
16 верасня 2022 г. — 70 гадоў з дня нараджэння Івана Аляксеевіча Чароты (1952), літаратуразнаўца, крытыка, перакладчыка
Иван Алексеевич Чарота родился 16 сентября 1952 года в с. Лищики Кобринского района Брестской области. Отец, Алексей Пантелеевич, и мать, Анна Павловна, были колхозниками. С детства владел белорусским, русским, украинским и польским языками. Учился в Лыщиковской начальной школе, затем в восьмилетней школе в с. Рынки Тевельского сельсовета, куда Иван добирался на велосипеде или пешком. Среднее образование получил в средней школе № 2 города Кобрина. Параллельно три года учился в Кобринской вечерней музыкальной школе.
7 снежня 2021 г. — 140 гадоў з дня нараджэння Янкі Сваяка (сапр. Марыян Фальскі; 1881–1974), перакладчыка, публіцыста, педагога, грамадскага дзеяча
Марыян Фальскі нарадзіўся 7 снежня 1881 г. у в. Нача Сіняўскай воласці Слуцкага павета Мінскай губерні (цяпер Ляхавіцкага раёна Брэсцкай вобласці) у дробнамяшчанскай сям’і. Вучыўся ў Мінскай агульнаадукацыйнай школе і гімназіі, потым у Варшаўскім тэхналагічным інстытуце. Быў актыўным членам нелегальных вучнёўскіх і студэнцкіх гуртоў. У 1903 г. уступіў у Польскую партыю сацыялістычную (ППС), а ўжо ў1906 г. увайшоў у склад ППС-лявіцы — левага крыла ППС.
13 ліпеня 2021 г. — 155 гадоў з дня нараджэння Напалеона Казіміравіча Чарноцкага (1866–1937), публіцыста, перакладчыка
Напалеон Казіміравіч Чарноцкі нарадзіўся 13 ліпеня 1866 г. у маёнтку Нача Брынздоўская Слуцкага павета Мінскай губерні (цяпер вёска Нача Ляхавіцкага раёна Брэсцкай вобласці). Малодшы брат уладара маёнтка Нача Міхала Чарноцкага.
18 студзеня 2021 г. — 85 гадоў з дня нараджэння Васіля Сяргеевіча Сёмухі (1936–2019), перакладчыка, лаўрэата Дзяржаўнай прэміі Беларусі імя Якуба Коласа
Васіль Сяргеевіч Сёмуха нарадзіўся 18 студзеня 1936 г. на хутары Ясенец Пружанскага павета Палескага ваяводства (цяпер Пружанскага раёна Брэсцкай вобласці). Бацька, Сяргей Савіч Сёмуха, працаваў лесніком. Маці, Марыя Васільеўна, скончыла Пружанскую гімназію, добра ведала польскую, нямецкую, рускую мовы, ідыш.
9 чэрвеня 2019 г. — 65 гадоў з дня нараджэння Яўгена Аляксандравіча Бяласіна (1954), перакладчыка-германіста, пісьменніка, журналіста
Яўген Аляксандравіч Бяласін нарадзіўся 9 чэрвеня 1954 г. у вёсцы Грынявічы Поразаўскага (цяпер Свіслацкага) раёна Гродзенскай вобласці. Яго родныя мясціны на памежжы Белавежскай і Ружанскай пушчаў. Прафесію выбраў па слядах бацькі, выпускніка Віленскай беларускай гімназіі, настаўніка нямецкай мовы. Яўген Бяласін у 1975 г. скончыў Мінскі дзяржаўны педагагічны інстытут замежных моў. Пасля службы ў Савецкай арміі выкладаў нямецкую, англійскую мовы ды фізкультуру ў Мсціславе, Карэлічах.
1 кастрычніка 2018 г. — 130 гадоў з дня нараджэння Лукі Мікалаевіча Дзекуця-Малея (1888–1955), рэлігійнага і грамадскага дзеяча, перакладчыка рэлігійных тэкстаў
Лука Мікалаевіч Дзекуць-Малей нарадзіўся 1 кастрычніка 1888 г. у г. Слоніме Гродзенскай губерні (цяпер Гродзенскай вобласці) у сям’і настаўнікаў. У чатыры гады застаўся без бацькоў, да шаснаццаці выхоўваўся ў сям’і педагогаў Фунтаў. Скончыў Слонімскую сярэднюю школу, настаўніцкую семінарыю (1906). Працаваў настаўнікам, інспектарам народнай адукацыі.
20 кастрычніка 2018 г. — 285 гадоў з дня нараджэння Адама Тадэвуша Станіслава Нарушэвіча (1733–1796), гісторыка, паэта, асветніка, перакладчыка, рэлігійнага дзеяча
Адам Тадэвуш Станіслаў Нарушэвіч нарадзіўся 20 кастрычніка 1733 г. каля мястэчка Лагішын Пінскага павета Берасцейскага ваяводства (цяпер Пінскі раён Брэсцкай вобласці), быў пахрышчаны ў Лагішыне як Адам Тадэвуш, з 1781 г. называўся Станіславам. Быў выхадцам са збяднелай шляхецкай сям’і. Выхаванне атрымаў у Пінскім езуіцкім калегіуме (1748), у пятнаццаць гадоў быў прыпісаны да гэтага ордэна. Вышэйшую адукацыю атрымаў у Ліёне (Францыя) у 1758–1762 гг., пасля заканчэння быў назначаны адным з чатырох прафесараў лацінскай славеснасці ў Віленскай акадэміі.
22 мая 2018 г. — 75 гадоў з дня нараджэння Мікалая Мікалаевіча Федзюковіча (1943–1997), паэта, перакладчыка
Мікалай Мікалаевіч Федзюковіч нарадзіўся 22 мая 1943 года ў вёсцы Гутава Драгічынскага раёна Брэсцкай вобласці ў сялянскай сям’і. Бацька, Мікалай Іванавіч Федзюковіч, загінуў на фронце ў Вялікую Айчынную вайну, маці, Ксенія Пракопаўна, працавала ў калгасе.
7 сакавіка 2018 г. — 75 гадоў з дня нараджэння Алы Канстанцінаўны Кабаковіч-Тычына (1943–1985), літаратуразнаўцы, паэтэсы, перакладчыцы
Ала Канстанцінаўна Кабаковіч-Тычына нарадзілася 7 сакавіка 1943 года ў вёсцы Гутава Драгічынскага раёна Брэсцкай вобласці ў сялянскай сям’і. Бацька, Канстанцін Карпавіч Кабаковіч, у пошуках заробку ў 1930-я гады ездзіў у Аргенціну, у ліпені 1942 года быў расстраляны гітлераўцамі як камуніст і партызан. Маці, Надзея Сяргееўна Замкавец, працавала ў калгасе. Дзяўчынка расла сіратой, была ўражлівай, чулая да людскога болю, удзячная да самага малога выяўлення ўвагі. Ала Кабаковіч у 1959 годзе з залатым медалём закончыла Гутаўскую сярэднюю школу. У 1964 годзе з адзнакай закончыла факультэт журналістыкі Беларускага дзяржаўнага ўніверсітэта.