У г. Брэст-Літоўску Гродзенскай губерні, які быў цэнтрам артадаксальнага іўдаізма, у 1851–1861 гг. пабудавалі вялікую харальную сінагогу. Прыгожы двухпавярховы васьмівугольны будынак нагадваў Вялікую сінагогу ў Вене. Сцены ўпрыгожвалі барэльефы мужчын і жанчын, апранутых у стылі артадаксальных венскіх яўрэяў. У вестыбюлі была ўмацавана памятная дошка: «Эта Синагога была построена по планам и под наблюдением царя Николая I».

Харавая музыка належыць да найбольш дэмакратычных відаў мастацтва. На базе Брэсцкай дзіцячай музычнай школы (цяпер ДМШМ № 1) у 1975 г. быў створаны хор хлопчыкаў «Пеўнікі». Арганізатар і першы кіраўнік — Л. А. Карабейнікава. З 1978 г. калектыў працуе пры Брэсцкім гарадскім Доме культуры (цяпер гарадскі Цэнтр культуры).

Павел Рыгоравіч Кужыр нарадзіўся 1 студзеня 1946 г. у в. Батчы Кобрынскага раёна Брэсцкай вобласці. Бацька Рыгор Фёдаравіч працаваў на чыгуначнай станцыі Жабінка, маці Надзея Пятроўна — даяркай у калгасе. Павел выдатна закончыў сем класаў у Батчынскай школе, потым вучыўся ў СШ № 2 г. Кобрына. Карпатлівая праца, мэтанакіраванасць, глыбокія веды дазволілі юнаку закончыць школу з залатым медалём.

Марыя Пятроўна Жыгалава нарадзілася 10 лютага 1951 г. у в. Збураж Маларыцкага раёна Брэсцкай вобласці ў сялянскай сям’і. З 1969 г. працавала ў Збуражскай сярэдняй школе старшай піянерважатай, настаўніцай. Пасля заканчэння філалагічнага факультэта Брэсцкага педагагічнага інстытута імя А. С. Пушкіна (1973) больш за 20 гадоў працавала настаўнікам рускай мовы і літаратуры, нямецкай мовы ў школах Маларыцкага раёна. У Арэхаўскай СШ стварыла школьны музей імя А. С. Пушкіна.

Сяргей Феадосавіч Любчук нарадзіўся 2 мая 1940 г. у в. Дзівін Кобрынскага раёна Брэсцкай вобласці. У сям’і ўсе любілі музыку: бацька i маці, двое старэйшых братоў і сястра спявалі і ігралі на народных інструментах. З шасці гадоў Сяргей засвоіў гармонік, пазней — акардэон, удзельнічаў у розных канцэртах, аглядах мастацкай самадзейнасці раёна і вобласці.