Саўгас «Днепра-Бугскі» Кобрынскага раёна Брэсцкай вобласці быў створаны на меліяраваных землях 17 лютага 1981 г. Сваім нараджэннем саўгас абавязаны спецыялістам і рабочым ПМК-52 і ПМК-57. Агульная зямельная плошча гаспадаркі складала 8086 га, з якіх 5533 — меліяраваныя.

Эліза Ажэшка (Паўлоўская) нарадзілася 6 чэрвеня 1841 г. у багатай шляхецкай сям’і Бенядыкта Паўлоўскага, якія пражывалі ў в. Мількаўшчына, каля Гродна. У 1853 г. Элізу аддалі на выхаванне ў манастырскі пансіён у Варшаве, у якім яна прабыла пяць гадоў (1852–1857). Выхаванне там вялося зыходзячы з традыцыйнага погляду на ролю жанчыны ў высакародным грамадстве: шмат часу адводзілася на засваенне свецкіх манер, гульні на фартэпіяна і ўдасканаленне французскай мовы.

Буйныя змяненні адбыліся ў Драгічынскім раёне ў гады 9-й пяцігодкі (1971–1975). Ішло далейшае ўмацаванне матэрыяльна-тэхнічнай базы калгасаў і саўгасаў, расла вытворчасць сельскагаспадарчай прадукцыі, а таксама развівалася дарожнае будаўніцтва.

Вольга Мікалаеўна Папко нарадзілася 24 ліпеня 1976 г. у г. Брэсце. Яе бацькі родам з г. п. Шарашэва Пружанскага раёна. Скончыла гістарычны факультэт Брэсцкага дзяржаўнага ўніверсітэта імя А. С. Пушкіна (1998). У 1999–2003 гг. навучалася ў завочнай аспірантуры Інстытута гісторыі Нацыянальнай акадэміі навук Беларусі.

Вёска Павіцце (або Повіць) Кобрынскага раёна Брэсцкай вобласці мае багатую гісторыю, адлічвае сваё існаванне ад ХVI ст. Першае згадванне ў пісьмовых крыніцах — 25 жніўня 1546 г., сяло Паветцы Палескага ключа Ратненскага павета Каралеўства Польскага. Першая царква тут упершыню ўзгадваецца ў 1655 г.